18:23 28 Oktyabr 2021
ONLINE XƏBƏR LENTİ
02:47 28.10.2021

Zəngəzur dəhlizi


02:41 28.10.2021

28 oktyabr


Tarix Muzeyi: Azərbaycanda neft sənayesi fotolarda
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Anar Allahverdiyev: Komandamız şahmat tariximizdə ilk dəfə klublararası Avropa kuboku yarışının bürünc medalını qazanıb
 
ANA SƏHİFƏ / İDMAN
10:41 25.09.2021

Makedoniyanın Struqa şəhərində kişi şahmatçılar arasında klublararası Avropa kuboku yarışı başa çatıb. Azərbaycanı təmsil edən “Vüqar Həşimov” komandası parlaq qələbəyə imza ataraq Azərbaycanın şahmat tarixində ilk dəfə klublararası Avropa kuboku yarışının bürünc medalını qazanıb.

Bu sözləri AZƏRTAC-a müsahibəsində komandanın kapitanı Əməkdar məşqçi Anar Allahverdiyev bildirib. O qeyd edib ki, son turda turnirin favorit komandası “Alkaloid” üzərində inamlı qələbə komandamızın yarışı mükafatçılar sırasında başa vurmasında həlledici rol oynayıb: “Son turda komandamız turnirin favoriti, lideri hesab olunan və çox güclü komandalardan biri olan Makedoniyanın “Alkaloid” yığması ilə mübarizə apardı. Qarşılaşma gərgin mübarizə şəraitində keçdi və komandamız potensialından tam istifadə edərək güclü rəqibin öhdəsindən inamla gəldi. Son turda qələbənin əldə edilməsində Aydın Süleymanlı və Ülvi Sadıqovun rəqiblərini məğlub etmələri həlledici rol oynadı. Ümumiyyətlə isə son turda komandamızın parlaq qələbəsi şahmatçılarımızın yarışı mükafatçılar sırasında başa vurması ilə nəticələndi”.

Anar Allahverdiyev qitə yarışında iştirak edən şahmatçılarımızın hər birinin gözəl oyun nümayiş etdirdiyini və bu möhtəşəm qələbənin qazanılması üçün əllərindən gələni etdiyini bildirib: “Azərbaycan şahmat ölkəsidir və idmançılarımızın əldə etdikləri böyük nailiyyətlər bunu bir daha sübut edir. Şahmatçılarımız yarışa çox yaxşı hazırlaşmışdılar və komandada əhval-ruhiyyə yüksək idi. Hər kəs özünü qələbəyə kökləmişdi. Şahmatçılarımız bu möhtəşəm qələbənin qazanılması üçün əllərindən gələni etdilər”.

Qeyd edək ki, turnirin qalibi Rusiyanın “Mednıy Vsadnik” komandası olub. İkinci yeri isə Çexiyanın “Novi Bor” komandası tutub.

Xatırladaq ki, kişilərin yarışında 38 komanda mübarizə aparıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM