19:25 13 May 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Anadolu Agentliyi: Türk Şurasının qeyri-rəsmi Zirvə görüşünün ən vacib məqamlarından biri görüşün Qarabağ Zəfərindən sonra baş tutması idi
ANA SƏHİFƏ / SİYASƏT
22:33 12.04.2021

 

Türkiyənin Anadolu Agentliyində Türkdilli Dövlətlərin Əməkdaşlıq Şurasının (Türk Şurası) martın 31-də videokonfrans vasitəsilə keçirilən qeyri-rəsmi Zirvə görüşü barədə geniş analitik məqalə dərc edilib.

AZƏRTAC xəbər verir ki, məqalədə bu Zirvə görüşünün ən vacib məqamlarından birinin görüşün Azərbaycanın Qarabağ Zəfərindən sonra baş tutması və şuraya üzv olan bütün ölkələrin Azərbaycanla həmrəyliklərini bir daha nümayiş etdirmələri olduğu bildirilir.

Yazıda, eyni zamanda, Zirvə görüşünün yekun bəyannaməsinin və dövlət başçılarının çıxışlarının türk dünyasının birliyi baxımından ümidverici və stimullaşdırıcı olduğu bildirilir.

Qeyd edilir ki, bu il noyabrın 12-də İstanbulda keçiriləcək rəsmi sammitdə bu Zirvə görüşü zamanı aparılan danışıqların konkretləşdiriləcəyi gözlənilir. Bu qeyri-rəsmi Zirvədə baş verən yeniliklərin ən başlıcası isə 2019-cu ildə Bakı Zirvəsində Qazaxıstanın birinci Prezidenti - Elbası Nursultan Nazarbayev tərəfindən şuranın adının “Türk Dövlətləri Təşkilatı” olması təklifinin digər liderlər tərəfindən qəbul edilməsi olub. İnkişaf prosesi bu şəkildə davam edəcəyi təqdirdə 2030-2040 vizionunda xüsusilə iqtisadi əməkdaşlıq və ümumi bazar kimi sahələr ön plana çıxa bilər. Bu strategiya və viziona dair qərarların ilin sonunda İstanbulda keçiriləcək rəsmi Zirvədə müzakirə olunacağı nəzərdə tutulur.

Xatırladaq ki, Türk Şurasının martın 31-də keçirilən qeyri-rəsmi Zirvə görüşü Azərbaycanın sədrliyi dövründə türkdilli ölkələrin dövlət başçıları səviyyəsində keçirilən artıq üçüncü görüşdür. COVID-19 pandemiyasına baxmayaraq, Azərbaycan Türk Şurasının fəaliyyətinin gücləndirilməsi istiqamətində ardıcıl səylər göstərməkdədir.

Zirvə görüşünün yekun bəyannaməsi üzv dövlətlər arasında əlaqələrin daha da gücləndirilməsinə yönəlmiş səylərin ifadə olunması ilə yanaşı, bir sıra əhəmiyyətli məqamlarla da yadda qaldı.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM