Akademiyanın qarşısındakı piyada keçidində hərəkətin nizamlanmasına ehtiyac var
Bakı küçələrində yaranan avtomobil sıxlığının bir səbəbi də yollarda lüzumsuz ləngimə törədən, hərəkət axını sürətini aşağı salan kənar amillərdir. Bəzi hallarda piyada keçidi zolaqları məhz belə “effekt” verir. Bunlardan biri Elmlər Akademiyasının qarşısından Hüseyn Cavid parkına, yaxud əksinə, keçid üçün nəzərdə tutulmuş geniş piyada zolaqlarıdır.
Xeyr, biz bu və ya digər yerdəki piyada keçidlərinin əleyhinə deyilik. Təklifimiz hərəkət “axsamasın” deyə eyni anda avtomobil və piyada hərəkətinin intensiv olduğu yerlərdə nizam yaradılması ilə bağlıdır. Elmlər Akademiyasının önündən keçən hər kəs bunun şahidi olub: insanların işə, dərsə və ya sadəcə gəzməyə gedib-gəldiyi pik saatlarda bu yerdəki piyada keçidi üzərindəki piyadaların çoxluğundan avtomobil yolunda ciddi sıxlıq yaranır. İstər tək-tək, istərsə qrup halında piyadaların zolaq üzərindən keçidləri arasında fasilə qısa olduğundan iki istiqamətdən gələn maşınlar uzun müddət burada dayanmalı olurlar. Beləcə, maşın maşın üstə “qalanır”. Vəziyyət gərginləşir, əsəblər tarıma çəkilir. Qaydalara tam riayət etmək mümkün olmadığından sürücülər bəzən onları pozmaq məcburiyyətində qalırlar. Onları qınamalı da deyil. Əks təqdirdə küçədə əməlli-başlı tıxac yarana bilər. Bəzən yaranır da. Çünki bu hissədə yolu keçmək istəyən piyada çoxdur. Həm də onlar bunu dağınıq halda edirlər. Yol enli olduğundan bir qrup piyada əks tərəfə çatmadan, digər qrup (özü də hər iki istiqamətdə) zolağa daxil olur.
Bu səbəbdən, eləcə də piyadaların və sürücülərin təhlükəsizliyi, hərəkət intensivliyinin kəskin aşağı düşməməsi, beləcə ahəngdar hərəkət naminə Elmlər Akademiyasının önündəki piyada keçidinin nizamlanmasını təklif edirik. Bunu svetofor qurmaqla da həyata keçirmək olar, bilavasitə yol polisi əməkdaşları vasitəsilə də. Belə bir praktika artıq Bakı şəhərində səmərəsini verir: Azadlıq prospektində, Qələbə dairəsi ətrafında və digər sıxlıq yaşanan ərazilərdə məhz polis əməkdaşlarının hərəkəti nizamlaması sayəsində tıxacların qarşısı alınır, hərəkət tənzimlənir.
Əlbəttə daha yaxşısı, bu yerdə yeraltı və ya yolüstü piyada keçidlərinin inşası olardı. Amma ən azı belə bir qərar verilib icra edilənədək hər hansı formada burada hərəkətin nizamlanmasına ehtiyac var.
Bəhruz QƏHRƏMANOV,
Bakı şəhəri
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Husilər tərəfindən iki ticarət gəmisi və bir Amerika esminesi hücuma məruz qalıb
25 Aprel
Bakıda Rusiya Kinosu Günlərinin təntənəli açılış mərasimi olub
24 Aprel
Türkiyə XİN 1915-ci il hadisələri ilə bağlı bəyanat yayıb
24 Aprel
COP29 Sədrliyi ölkə pavilyonlarının təşkili üzrə müraciətlərin qəbuluna başlayıb ...
24 Aprel
Azərbaycan Prezidentinin xüsusi tapşırıqlar üzrə nümayəndəsi BBC radiosuna müsahibə verib...
24 Aprel
Üzgüçülük üzrə açıq Azərbaycan çempionatı start götürüb
24 Aprel
XİN: Azərbaycan BMT-nin insan hüquqları sahəsində müvafiq müqavilə qurumları ilə əməkdaşlığa böyük ö...
24 Aprel
Qırğız Mədəniyyəti Günləri çərçivəsində Heydər Əliyev Mərkəzində sərgi açılıb
24 Aprel
Azərbaycan Kuboku: “Qarabağ” “Neftçi”ni cavab oyununda da məğlub edərək finala yüksəlib...
24 Aprel
Bakıda Qırğız Mədəniyyəti Günlərinin açılış mərasimi olub
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!