21 Noyabr 2021 09:13
209
CƏMİYYƏT
A- A+

Ağdamın işğaldan azad edilməsinin birinci ildönümü münasibətilə Quzanlıda konsert olub

 

Ağdamın işğaldan azad edilməsinin birinci ildönümü münasibətilə Quzanlı qəsəbəsində konsert proqramı təqdim olunub.

AZƏRTAC-ın bölgə müxbiri xəbər verir ki, Ağdam Rayon İcra Hakimiyyətinin təşkilatçılığı ilə keçirilən konsertdə rayon ictimaiyyətinin nümayəndələri, idarə və müəssisələrin kollektivləri, şəhid ailələri, qazilər iştirak ediblər. Çıxış edənlər Ağdamın işğaldan azad edilməsinin ildönümü münasibətilə ağdamlıları təbrik edib, 44 günlük Vətən müharibəsində Ali Baş Komandan İlham Əliyevin rəhbərliyi ilə Azərbaycan ordusunun göstərdiyi qəhrəmanlıqlardan, qazanılan şanlı Zəfərdən danışıblar.

Əllərində bayraqlar tutmuş atlılar rayonun girişindəki Şəhidlər Abidə Kompleksindən Quzanlı qəsəbəsinədək yürüş edib, Cəngi sədaları altında konsertin keçirildiyi meydana daxil olublar. Konsertdə Ağdam Musiqi Kollecinin, “Qarabağ” İnstrumental Ansamblının ifasında rəngarəng, qələbə ruhlu mahnılar təqdim olunub. Rayonda fəaliyyət göstərən rəqs qruplarının və idmançıların çıxışları maraqla qarşılanıb. Ağdam Dövlət Dram Teatrının aktyorlarının ifasında Kərim Həsənov və Səbuhi Əhmədovun rejissorluğu ilə hazırlanan Zəlimxan Yaqubun “O qızın göz yaşları” kompozisiyasından və Nadir Qədimlinin “Günahsızlar” tamaşasından parçalar göstərilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video