ADA Universitetinin “Bir müəllimin manifesti” təşəbbüsü
ADA Universiteti ana dilimizdə təhsilin ilk sütunu sayılan Qazax Müəllimlər Seminariyasının tarixi binası qarşısında tədbir keçirib və “Bir müəllimin manifesti” təşəbbüsünü təqdim edib.
Universitetdən AZƏRTAC-a bildirilib ki, tədbirdə Azərbaycanın müxtəlif regionlarından gələn müəllimlər, məktəb direktorları və tanınmış ziyalılar iştirak ediblər. ADA hər zaman müxtəlif bölgələrdə fəaliyyət göstərən yenilikçi müəllimləri “kəşf” edib, onları milli dəyərə çevirib. Bu ənənəni davam etdirəcək “Bir müəllimin manifesti” də öz “kəşf”inə elə regiondan, daha dəqiq desək, milli təhsil sistemimizin başlanğıc nöqtəsi olan Qazax Müəllimlər Seminariyasının yerləşdiyi Qazax şəhərindən başlayıb.
Tədbirin əvvəlində ADA Universitetinin Vətən müharibəsində könüllü iştirak edən məzunu Kamran Abbasov və Universitetin Kitabxanasının əməkdaşı Nurlan Nağıyev Azərbaycan Respublikasının və ADA-nın bayrağını səhnəyə gətiriblər. Milli himnimiz səsləndirildikdən sonra Vətən uğrunda həlak olan qəhrəmanlarımızın xatirəsi bir dəqiqəlik sükutla yad edilib.
Qazax Rayon İcra Hakimiyyətinin başçısı Rəcəb Babaşov vaxtilə müəllimlərimizi yetişdirməyi özünə missiya seçən maarifçilərin izi ilə Qazaxa gələn qonaqları salamlayıb.
Tədbirdə çıxış edən ADA Universitetinin ABŞ-dakı Mərkəzinin prezidenti Qalib Məmməd qəlbi Vətənə xidmət eşqi ilə döyünənlərin cəhalət qaranlığını elm işığı ilə necə aydınlatdığını xatırladıb. O, Qori Seminariyasının Azərbaycan şöbəsi və Qazax Müəllimlər Seminariyasının tarixindən danışıb. Burada təhsilin mütərəqqi ideyalar və uzaqgörən bir təməl üzərində qurulduğundan bəhs edərək ADA Universitetinin Azərbaycanın maarifçilik irsi üzərində qurulduğunu və elmi dərindən və şüurlu öyrənmək, öyrəndiklərini başqaları ilə bölüşmək kimi dəyərləri həmişə yüksək tutduğunu vurğulayıb. Qalib Məmməd ADA Universitetinin ABŞ-dakı Mərkəzinin də “Bir müəllimin manifesti” təşəbbüsünün həyata keçirilməsində fəal iştirak edəcəyini qürur hissi ilə qeyd edib.
Daha sonra çıxış edən ADA Universitetinin akademik işlər üzrə prorektoru Vəfa Kazdal bildirib ki, ADA Universiteti ölkəmizdə yüksəkixtisaslı müəllimlər yetişdirmək səylərinə dəstək vermək məqsədilə “Bir müəllimin manifesti”ni elan edir. İllər ərzində əldə etdiyi elmi-pedaqoji təcrübəni özünün ən böyük zənginliyi hesab edən ADA, bunu bir missiya olaraq regionlarımızdakı məktəblərlə və müəllimlərlə bölüşəcək. ADA əməkdaşları regionlara gedəcək, könüllü olaraq oradakı məktəblərdə çalışacaq, o məktəblərdən qabaqcıl müəllimləri seçib ixtisasartırma üçün ADA-ya gətirəcək. Həmin müəllimlərin bir qismi ADA Universitetinin Vaşinqtonda yerləşən Mərkəzində təhsil alacaq. Məqsəd nümunəvi təcrübələri yaymaq, peşəkar müəllimlər yetişdirmək, vətəndaşlıq və sosial məsuliyyət hissini daha dərindən aşılamaqdır.
AMEA-nın Riyaziyyat və Mexanika İnstitutunun direktoru Misir Mərdanov, Bakı Dövlət Universitetinin rektoru Elçin Babayev, Amerika Azərbaycanlıları Cəmiyyətinin prezidenti Tomris Azəri də çıxışçılar sırasında yer alıblar. Tomris Azəri Seminariya binasının bərpası prosesində Cəmiyyətin ADA Universitetinə dəstək olacağını vurğulayıb.
Yekun sözlə çıxış edən ADA Universitetinin rektoru Hafiz Paşayev bildirib ki, ADA tələbələri və məzunlarının sayı artdıqca, missiyası da genişlənməkdə davam edəcək. ADA öz təcrübəsini regionlarda yerləşən məktəblər və onların müəllimləri ilə paylaşmaq fəaliyyətinə ilk növbədə Qazaxdan başlayacaq və bu işdə Bakı Dövlət Universitetinin Qazax filialı ilə əməkdaşlıq edəcək. Prezident İlham Əliyevin Qazax Müəllimlər Seminariyasının 100 illik yubileyinin qeyd edilməsi haqqında 2018-ci ildə imzaladığı Sərəncamın əhəmiyyətini vurğulayan Hafiz Paşayev ADA olaraq bu şərəfli işə hər cür dəstək göstərəcəyini vəd edib.
Qeyd edək ki, ADA Universiteti “Bir müəllimin manifesti” təşəbbüsü çərçivəsində həm də tariximizin incisi olan Qazax Müəllimlər Seminariyasının binasını bərpa etməklə onun yenidən istifadəsini mümkün edəcək. Firudin bəy Köçərlinin misilsiz çətinliklər bahasına qurduğu və ilk direktoru olduğu Seminariya binasının bərpası, əslində, Azərbaycanda maarifçilik irsimizin və Seminariyadan aldığımız milli qürurumuzun bərpasıdır. Burada illər öncə yandırılan elm işığı daha gur yanacaq, ətrafına yeni nəsil maarifçiləri toplayacaq. Həyata keçiriləcək birgə layihələrlə müasir təhsil tariximizin növbəti səhifələri burada yazılacaq.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Daxili işlər naziri Şamaxıda vətəndaş qəbulu keçirib
28 Mart
Fövqəladə Hallar Nazirliyi və “Azərbaycan Dəmir Yolları” QSC birgə təlim keçirib
28 Mart
Ukraynaya yardım mexanizmi müzakirə edilib - MƏLUMAT
28 Mart
Fevralda DSMF tərəfindən 26,6 minə yaxın vətəndaş müraciəti cavablandırılıb
28 Mart
“YAŞAT” Fondu tərəfindən dəstək tədbirləri davam edir
28 Mart
Bayram günlərində “Azərpoçt”un xidmətlərindən 400 mindən çox vətəndaş istifadə edib ...
28 Mart
D vitamini uşaqların sümük-əzələ sisteminin sağlamlığında mühüm rol oynayır
28 Mart
Rusiyada terror aktından zərərçəkənlərə dəstək məqsədilə Müslüm Maqomayevin mahnılarından ibarət alb...
28 Mart
Əhalinin tibbi xidmətlərə əlçatanlılığı ilə bağlı sorğunun nəticələri müzakirə olunub ...
28 Mart
Türkiyənin vitse-prezidenti: Daxili istehlakın ifrat artımı ölkənin iqtisadi inkişafına zərbə vurur ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!