18 Avqust 2021 14:17
1025
DÜNYA
A- A+

ABŞ Əfqanıstan Mərkəzi Bankının ehtiyatlarının böyük hissəsini dondurub

 

ABŞ Əfqanıstan Mərkəzi Bankının ötən həftə 9 milyard dollar təşkil edən ehtiyatlarının böyük hissəsini dondurub.

AZƏRTAC xəbər verir ki, bu barədə Sky News Arabia telekanalı Əfqanıstan Mərkəzi Bankının nümayəndəsinə istinadla məlumat yayıb.

“Ötən həftə Əfqanıstan Mərkəzi Bankının ehtiyatları 9 milyard dollar idi. ABŞ onun 7 milyard dollarını dondurub”, - deyə bankın nümayəndəsi bildirib. O, həmçinin qeyd edib ki, Əfqanıstanın beynəlxalq ehtiyatları heç bir təhlükəyə məruz qalmayıb, heç bir bank hesabından vəsait oğurlanmayıb. Vaşinqton “Taliban” hərəkatı tərəfdarlarının Əfqanıstan Mərkəzi Bankının ehtiyatlarına giriş əldə etməsinə çətin ki, imkan versin.

Avqustun 15-də paytaxt Kabilə döyüşsüz daxil olan “Taliban” hərəkatının silahlı dəstələri şəhəri bir neçə saat ərzində nəzarətə götürüb. Prezident Əşrəf Qani qan tökülməsinin qarşısını almaq üçün istefa verərək ölkəni tərk edib. Qərb ölkələri öz vətəndaşlarını və səfirlik əməkdaşlarını Əfqanıstandan təcili təxliyə edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video