23 Sentyabr 2021 18:51
804
DÜNYA
A- A+

ABŞ dövlət katibi Entoni Blinken Əfqanıstanda vəziyyətlə bağlı bir sıra görüşlər keçirib  

ABŞ dövlət katibi Entoni Blinken Əfqanıstanda vəziyyətlə bağlı bir sıra görüşlər keçirib.

AZƏRTAC xəbər verir ki, bunu ABŞ Dövlət Departamentinin yüksəkvəzifəli nümayəndəsi bu gün elan edib. O bildirib ki, Blinken əvvəlcə beş tərəfdaşın – Qazaxıstan, Qırğızıstan, Tacikistan, Türkmənistan və Özbəkistanın daxil olduğu “C5+1” görüşündə iştirak edib. Qeyd olunub ki, “C5” regional əməkdaşlıq üçün çox mühüm diplomatik forum olaraq qalır. Ona görə də heç şübhəsiz, qonşu Əfqanıstanda vəziyyətin müzakirə edilməsi bu ölkələr üçün çox vacib idi.

Bu görüşdən sonra Blinken “G20” qrupunun italiyalı nümayəndələri tərəfindən təşkil edilmiş, Əfqanıstanda vəziyyətə həsr olunmuş virtual görüşdə iştirak edib. Blinken həmin görüşdə bəyan edib ki, beynəlxalq birlik taliblərin öz öhdəliklərinə, xüsusən Əfqanıstanda qadın hüquqları barədə vədlərinə sadiq qalacağını gözləyir. Dövlət Departamentinin nümayəndəsinin sözlərinə görə, taliblərin beynəlxalq birlikdən gözlədiyi dəstək onların özlərini necə aparacağından və beş şərtə riayət etmələrindən asılı olacaq.

Blinken qeyd edib ki, əvvələn, taliblər əcnəbi vətəndaşların və əfqanların belə bir arzusu olduğu halda onların sərbəst yerdəyişmələrinə və ölkə hüdudlarından kənara getmələrinə imkan verməlidirlər. Bu, taliban ilə hər hansı konstruktiv qarşılıqlı fəaliyyət üçün ilkin şərt olmalıdır.

İkincisi, taliblər terrorçu qruplaşmaların Əfqanıstan ərazisindən başqa ölkələrə təhlükə doğuran əməliyyatlar həyata keçirmək üçün baza kimi istifadə etmələrinin qarşısını almalıdırlar.

Üçüncüsü, dünya birliyi Əfqanıstanda insan hüquqlarına riayət olunmasını, o cümlədən qadınların, qızların və azlıq təşkil edən icmaların üzvlərinin hüquqları müdafiə edilməsini dəstəkləməlidir. Taliblər son 20 il ərzində koalisiya qoşunları ilə əməkdaşlıq etmiş və əvvəlki hökumətlər üçün işləmiş şəxslərə qarşı repressali və məcburetmə tədbirləri tətbiq etməməlidirlər. Taliblər bu insanların hamısını əfv etməlidirlər.

Dördüncüsü, ABŞ Əfqanıstana humanitar köməyin maneəsiz çatırılmasını təmin etmək məqsədilə Talibana təzyiq göstərməkdə davam edəcək. Blinken BMT-nin dərc olunmuş məlumatlarına istinad edərək deyib ki, Əfqanıstan əhalisinin təqribən yarısının humanitar yardıma ehtiyacı var. ABŞ Əfqanıstana humanitar kömək göstərilməsinin tərəfdarıdır. Xəbər verildiyi kimi, belə humanitar yardım qismində 64 milyon dollar ayrılacaq. ABŞ humanitar yardım çatdırılmasını sadələşdirmək üçün taliblərin hökumətinə qarşı, habelə Əfqanıstanda sanksiyalar tətbiq olunan digər subyektlərə qarşı sanksiyalar rejiminin qüvvədə olmasına baxmayaraq maliyyə müəssisələri, əcnəbi tərəfdaşlar, beynəlxalq və qeyri-hökumət təşkilatları ilə işi davam etdirir.

Nəhayət, ABŞ Talibanı əfqan xalqının ehtiyaclarını təmin edə biləcək inklüziv hökumət formalaşdırmağa çağırıb. Blinken xatırladıb ki, taliblərin rəhbərliyində böyük əksəriyyət bir etnik qrupun nümayəndələridir. Onlar yalnız kişi cinsindəndir və Amerika qoşunlarına, koalisiya qoşunlarına və dinc sakinlərə hücumlar etməsi ilə məşhur olan insanlar qrupudur. Blinken vurğulayıb ki, sabit və təhlükəsiz Əfqanıstan üçün əsas şərt Əfqanıstanın bütün vətəndaşlarının mənafelərini təmsil edəcək hökumət yaradılmasıdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video