Dövlət kapital qoyuluşunda daha fəaldır
Dünya iqtisadiyyatı çətin dövrünü yaşayır. Rusiya-Ukrayna müharibəsi dünyanı iki qütbə bölüb. Onlar arasında gedən siyasi və hərbi qarşıdurma dövlətlərarası iqtisadi münasibətlərə də təsir göstərir. Tanınmış ekspertlərin hesablamalarına görə, Rusiya-Ukrayna müharibəsindən sonra beynəlxalq səviyyədə iqtisadi fəallıq azalıb, inflyasiya yüksəlib.
Məlumdur ki, belə vəziyyətdə iqtisadi dinamikanın qorunması mühüm şərtdir. Bunun üçün iqtisadiyyatın intensiv investisiyalaşması tələb olunur. Yaranmış vəziyyətdə iqtisadi sabitliyi qorumaq və inkişaf etdirmək üçün kapital qoyuluşunda fasilə yaranmamalıdır. Çünki bu cür kritik şəraitdə kapital qoyuluşunda durğunluq olur və belə vəziyyətdə investorlar o qədər də riskə getmirlər. Digər tərəfdən, dünyada bank-maliyyə sistemində qeyri-sabitlik hökm sürür. Amerikanın və Avropanın bir neçə bankının son vaxtlar qarşılaşdığı vəziyyət də məhz bunun - bank-maliyyə sistemində baş verən sabitsizliyin göstəricisidir.
Azərbaycanda aparılan sosial-iqtisadi islahatlarda iqtisadiyyatın investisiyalaşdırılması mühüm yer tutur. İndiki çətin şəraitdə dövlət bu işə daha həssas yanaşır. Bunu Dövlət Statistika Komitəsinin cari ilin yanvar-fevral ayları üçün açıqladığı sitatistik rəqəmlərdən aydın görmək olur. Belə ki, yanvar-fevral aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 2 milyard 206,9 milyon manat və ya 2022-ci ilin müvafiq dövrü ilə müqayisədə 60,1 faiz çox vəsait yönəldilmişdir. Hesabat dövründə neft-qaz sektoruna yatırılmış investisiyaların həcmi 2,4, qeyri-neft-qaz sektoruna yönəldilən vəsaitin həcmi isə 2,3 dəfə artmışdır. Yatırılan ümumi sərmayənin 1 milyard 125,5 milyon manatı məhsul istehsalı, 968,5 milyon manatı xidmət sahələrinin, 112,9 milyon manatı isə yaşayış evlərinin tikintisinin payına düşmüşdür.
Vurğuladığımız kimi, hazırda dünyada gərgin siyasi qarşıdurmalar baş verir və bu, investisiya qoyuluşuna mənfi təsir göstərir. Ona görə də Azərbaycanda dövlət ölkə iqtisadiyyatının dinamik inkişafını qorumaq məqsədilə iqtisadiyyatın daxili mənbələrdən təmin edilməsinə xüsusi diqqət yetirir. Bunun nəticəsidir ki, hesabat dövründə yatırılan ümumi sərmayənin 54,6 faizi dövlət sektorunun sərmayədarları tərəfindən qoyulmuşdur. Yeri gəlmişkən onu da qeyd edək ki, kapital qoyuluşunun 75,1 faizi daxili mənbələr hesabına formalaşmışdır.
Əsas kapitala yönəldilmiş vəsaitdə müəssisə və təşkilatların vəsaitləri 987,9 milyon, büdcə vəsaitləri 946,4 milyon, əhalinin şəxsi vəsaitləri 146,5 milyon, bank kreditləri 39,6 milyon, sair vəsaitlər isə 86,5 milyon manat təşkil etmişdir.
Cari ilin ilk iki ayında əsas kapitala yönəldilmiş vəsaitdən ən çox sənaye, nəqliyyat və anbar təsərrüfatı, informasiya və rabitə, kənd təsərrüfatı, meşə təsərrüfatı və balıqçılıq sahələrində istifadə olunmuşdur. Həmin dövr neft-qaz sektoruna 777,3 milyon manat vəsait yönəldilmişdir. Qeyri-neft-qaz sektorunun inkişafına sərf edilmiş 1 milyard 429,6 milyon manatlıq vəsaitin 99,9 milyon manatı isə qeyri-neft-qaz sənayesi sektorunda istifadə edilmişdir.
Rüstəm KAMAL,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!