25 Yanvar 2022 18:31
473
CƏMİYYƏT

Yüz yaşlı veteran Fatma Səttarova: Azərbaycanlı olduğum üçün həmişə fəxr etmişəm

 

Mən ömrümü Vətənimə və xalqıma borcluyam. Yenə 100 il yaşasaydım, ömrümü xalqıma, Vətənimə, dövlətimə, dahi Heydər Əliyevin oğlu Prezident İlham Əliyevə, Birinci vitse-prezident Mehriban Əliyevaya həsr edərdim. Bundan sonra da Vətənimə xidmət etməyə hazıram. Yubileyim münasibətilə keçirilən tədbirdə iştirak edənlərə mənə layiqli qiymət verdikləri üçün təşəkkür edirəm.

AZƏRTAC xəbər verir ki, bunu Azərbaycan Respublikası Müharibə, Əmək və Silahlı Qüvvələr Veteranları Təşkilatının sədri, İkinci Dünya müharibəsi veteranı Fatma Səttarova yanvarın 25-də anadan olmasının 100 illik yubileyi münasibətilə Respublika Veteranları Təşkilatında keçirilən tədbirdə jurnalistlərə müsahibəsində bildirib.

Yubilyar göstərilən diqqət və qayğıya görə minnətdarlıq edərək deyib: “Tədbirdə çıxış edənlərə qulaq asdıqca keşməkeşli ömrümə, çəkdiyim əziyyətlərə, həyatımın beş ilini İkinci Dünya müharibəsində çətinliklərə sərf etməyimə belə yüksək dəyər verildiyi üçün qürur duydum. O vaxt 15 respublikadan ibarət ümumi bir Vətən - vahid Sovet İttifaqı vardı. Azərbaycan qızı kimi müharibədə şücaət göstərərək, xalqıma alnıaçıq xidmət edərək Vətənimi layiqincə təmsil etdim. Bu sınaqdan üzüağ çıxdım. İkinci Dünya müharibəsi zamanı yaralılara ilk yardım göstərmişəm və azərbaycanlı olduğum üçün həmişə fəxr etmişəm.

Yaşasın Azərbaycan Respublikası. Yaşasın ulu öndər Heydər Əliyevin layiqli davamçısı Prezident, Müzəffər Ali Baş Komandan İlham Əliyev və Birinci vitse-prezident Mehriban Əliyeva. Yaşasın xalqım”.

Fatma Səttarova hər zaman veteranların qayğısına qalan, onların ehtiyacları ilə maraqlanan ulu öndər Heydər Əliyevin xatirəsini dərin ehtiramla anıb. O, ümummilli lider Heydər Əliyevin veteranlara yüksək diqqət və qayğı siyasətini uğurla davam etdirən Prezident, Müzəffər Ali Baş Komandan İlham Əliyevə və xanımı, Birinci vitse-prezident Mehriban Əliyevaya veteranlar adından dərin minnətdarlığını bildirib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video