Yayın bu isti günlərində susuz qalmışıq
Uzun illərdir ki, Goranboyun Dəliməmmədli şəhərinin yeni yaşayış məhəlləsində yaşayırıq. Son illər rayonun digər kənd və qəsəbələri kimi, Dəliməmmədli şəhəri də inkişaf edib, böyümüşdür.
Şəhər statusu aldıqdan sonra burada infrastruktur tamamilə yenilənmiş, əhali üçün normal həyat şəraiti yaradılmışdır. Şəhərdə yeni məktəb, müasir səhiyyə ocağı istifadəyə verilmiş, küçələr asfaltlanmış, park və xiyabanlar yenidən qurulmuşdur. Dəliməmmədlidə yeni məhəllələr salındıqca şəhərin ərazisi böyüyür. Lakin bu zaman yeni problemlər də yaranır.
Məlum olduğu kimi, Goranboy sudan əziyyət çəkən rayonlar sırasındadır. Hər il yay mövsümü gələndə rayonun kənd və qəsəbələrində yaşayanlar nəinki əkin sahələrində, eləcə də məişətdə istifadə üçün su tapmırlar. Bizim məhəllə isə, ümumiyyətlə, bütün mövsümlərdə sudan əziyyət çəkir. Sakinlər maşınlarla su gətirməli olurlar. Yaxınlıqda artezian quyusunun olmasına baxmayaraq, oradan məhəlləyə su çəkən yoxdur.
Hörmətli redaksiya! Xahiş edirik, bu işdə məhəllə sakinlərinə kömək göstərəsiniz. Aidiyyəti təşkilatlara deyəsiz ki, bizi su ilə sınağa çəkməsinlər.
Xalid BAĞIROV,
Goranboy rayonu Dəliməmmədli şəhərinin yeni yaşayış məhəlləsinin sakini
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
BMT-nin Davamlı Enerji Onilliyinə yekun vurulub
20 Aprel
Bu ilin üç ayında Rusiyadan Çinə neft ixracı 13 faiz artıb
20 Aprel
AzTU-nun nizamnamə fondu 29,4 milyon manat olaraq müəyyən edilib
20 Aprel
Hulusi Kılıç: Türkiyə, Azərbaycan və Rusiya Qafqaz regionunda sülh naminə əməkdaşlıq edirlər ...
20 Aprel
Azərbaycan və Qazaxıstan tarixçiləri iki ölkə arasında tarix assosiasiyası yaratmaq niyyətindədirlər...
20 Aprel
Barbadosun Baş naziri: COP prezidentləri üçlüyünün yaradılmasını yüksək qiymətləndiririk ...
20 Aprel
Macarıstanın Baş naziri yenə də Aİ rəhbərliyini istefaya çağırıb
20 Aprel
ABŞ xaricdə izləmə proqramının fəaliyyətini daha iki il uzadır
20 Aprel
Rəvan Həsənov: Niyyətimiz Qafqaz Albaniyasının tarixinin yalnız elmi müstəvidə öyrənilməsidir ...
20 Aprel
Rusiyalı üç paraşütçü stratosferdən Şimal Qütbünə enib
20 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!