28 May 2022 11:00
317
DÜNYA

Yaponiya xaricə qırıcı təyyarələrin və raketlərin ixracına icazə verməyi planlaşdırır 

 

Yaponiya hökuməti ölkədə istehsal olunan müdafiə məqsədli avadanlığın ixracına qoyulan məhdudiyyətlərin yumşaldılması fonunda xarici ölkələrə qırıcı təyyarələrin və raketlərin ixracına icazə verməyi planlaşdırır.

AZƏRTAC xəbər verir ki, bu barədə mayın 28-də “Nikkei” qəzeti məlumat yayıb. Bildirilir ki, bu cür silahların və texnikanın ilkin olaraq Avstraliya, Hindistan, Avropa və Cənub-Şərqi Asiya dövlətlərinə ixrac edilməsi nəzərdə tutulur. Bununla əlaqədar Yaponiya qanunvericiliyinə müvafiq dəyişikliklərin cari ildə qəbul olunacağı gözlənilir.

Bu ərəfədə Kyodo agentliyi də Yaponiya hökumətinin ölkə istehsalı olan müdafiə avadanlığının ixracına qoyulan məhdudiyyətləri yumşaltmaq üçün imkanları araşdırmağa başlaması barədə məlumat yayıb. Söhbət 2014-cü ildə qəbul edilən 3 prinsipdən gedir. Bu prinsiplərə Tokionun qəbul etdiyi beynəlxalq öhdəliklərlə qadağan edilən avadanlıq və texnologiyaların ötürülməsi, planetin bu və ya digər regionunda sülhün qorunmasına dəstək və Yaponiyanın özünün təhlükəsizliyinin gücləndirilməsi daxildir.

Bu ərəfədə Yaponiya özünümüdafiə qüvvələrinin ehtiyatlarından Ukraynaya humanitar yardım və texnika göndərib. Belə ki, Kiyevə zirehli geyimlər, qoruyucu dəbilqələr, isti paltar, foto və video aparatura, çadırlar, sanitar vasitələr, kimyəvi mühafizə vasitələri, qida və elektrik generatorları çatdırılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video