20 May 2022 11:56
625
DÜNYA
A- A+

Volodimir Zelenski “Time” nəşrinin versiyasına görə ilin ən nüfuzlu insanı olub

Amerikanın “Timе” nəşrinin oxucularının versiyasına əsasən, Ukrayna Prezidenti Volodimir Zelenski ilin ən nüfuzlu insanı seçilib.

AZƏRTAC xəbər verir ki, Volodimir Zelenski 3,3 milyon səs (ümumi səslərin 5 faizi) toplayaraq “Time” oxucuları reytinqində ilk yeri tutub.

Həmçinin 3,5 faiz səs toplayan “SpaceX” və “Tesla” kompaniyalarının rəhbəri İlon Mask reytinqdə ikinci yerdə gəlir. Siyahıda üçüncü yerdə Böyük Britaniyanın Baş naziri Boris Conson, dördüncü yerdə tibb işçiləri, beşinci yerdə isə ABŞ Prezidenti Cozef Bayden qərarlaşıb.

İlin ən nüfuzlu adamlarının yekun siyahısı mayın 23-də dərc olunacaq. Onu “Time” qəzetinin redaktorları formalaşdıracaq.

Xatırladaq ki, Volodimir Zelenski artıq aprel ayında “Time” jurnalının üz qabığına düşmüşdü. O zaman nəşr Ukrayna liderinin ali baş komandan kimi müharibədəki rolu və həyatı haqqında geniş material dərc etmişdi.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video