10 Avqust 2022 07:47
289
İDMAN

Türkiyə V İslam Həmrəyliyi Oyunlarının medal sıralamasında liderliyini davam etdirir

 

Türkiyənin Konya şəhərində keçirilən V İslam Həmrəyliyi Oyunlarınım beşinci gününün yekunlarına görə, Türkiyə medal sıralamasında liderliyini davam etdirir.

AZƏRTAC xəbər verir ki, avqustun 18-dək davam edəcək Oyunlarda Türkiyə idmançıları 16 qızıl, 13 gümüş və 9 bürünc medal qazanıblar.

İlk üçlükdə İran (5-9-4) və Qazaxıstan (5-1-5) qərarlaşıb.

Özbəkistan (3-2-5) dördüncü, Mərakeş (2-3-1) beşinci, Bəhreyn (2-2-2) altıncı, Uqanda (2-2-1) yeddinci, Birləşmiş Ərəb Əmirlikləri (2-1-1) isə səkkizinci pillədə yer alıblar.

Azərbaycan 1 qızıl, 1 gümüş və 1 bürünc medalla doqquzuncudur. Qızıl medalı komandamıza atletika üzrə millimizin üzvü Anna Skidan çəkicatma yarışlarında qazandırıb. Bu qalibiyyətlə o, İslam Həmrəyliyi Oyunlarının ikiqat qalibi olub. Atletimiz Aleksis Kopello üçtəkanla tullanma yarışlarında ikinci pillədə qərarlaşıb. Taekvondoçumuz Həşim Məhəmmədov (58 kq) isə bürünc medal qazanıb.

Hesabında 1 qızıl və 1 bürünc medal olan Fil Dişi Sahili isə onuncu pillədə yer alıb.

Yarışda 56 ölkədən 4 mindən artıq idmançı medallar uğrunda mübarizə aparır. Oyunlar vaxtı 483 dəst medal sahibini tapacaq.

Qeyd edək ki, V İslam Həmrəyliyi Oyunları 2021-ci ilin sentyabrında keçirilməli idi. Daha sonra pandemiya ilə əlaqədar yarışa hazırlığın tam aparılması üçün oyunların 2022-ci ilə təxirə salınması məqsədəuyğun hesab olundu. İlk dəfə İslam Həmrəyliyi Oyunları Səudiyyə Ərəbistanında keçirilib. IV İslam Həmrəyliyi Oyunlarına isə Azərbaycan ev sahibliyi edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video