07 Dekabr 2022 01:45
626
Təhsil
A- A+

Tovuzda Bozalqanlı kənd orta məktəbinin 100 illiyi qeyd edilmişdir

 

Tovuzda Yusif Sadıqov adına Bozalqanlı kənd tam orta məktəbinin 100 illik yubileyi qeyd edilmişdir. 
Tədbirdə rayon rəhbərliyi ilə yanaşı, Milli Məclisin deputatları Qənirə Paşayeva, Arzu Nağıyev, Rauf Əliyev, Müşfiq Məmmədli, Sabir Hacıyev, professor Mayıl Əsgərov, Elm və Təhsil Nazirliyinin əməkdaşları, eləcə də məktəbin məzunları və müəllimləri iştirak etmişlər.
Tədbirdən əvvəl iştirakçılar Ulu Öndər Heydər Əliyevin adını daşıyan mədəniyyət və istirahət parkındakı abidəni ziyarət etmiş, önünə gül dəstələri qoymuşlar. Sonra məktəb şagirdlərinin əl işlərindən ibarət sərgiyə baxış keçirmişlər.
Yubiley tədbiri Azərbaycan Respublikasının Dövlət Himninin səsləndirilməsi və şəhidlərimizin xatirəsinin birdəqiqəlik sükutla yad edilməsi ilə başlamışdır. Rayon icra hakimiyyətinin başçısı Məmməd Məmmədov çıxış edərək 100 illik yubiley münasibətilə məktəbin kollektivini təbrik etmiş, ölkəmizdə təhsil sistemində həyata keçirilən işlərdən, bu sahədə qazanılan uğurlardan danışmışdır.  Sonra deputatlar Qənirə Paşayeva, Arzu Nağıyev, Rauf Əliyev, Müşfiq Məmmədli, Sabir Hacıyev, professor Mayıl Əsgərov, məktəbin direktoru Nüsrət Quliyev və digərləri məktəbin yaranma tarixindən və bu günə qədər keçdiyi inkişaf yolundan söhbət açmışlar. 
Məktəbin 100 illik yubileyinə həsr olunmuş videoçarxın nümayişindən və xarici ölkələrdə yaşayan məzunların təbrikləri dinlənildikdən sonra rəngarəng konsert proqramı olmuşdur. 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video