01 Avqust 2022 10:59
249
Səhiyyə

Su dəri təmizlənməsi üçün əsas vasitədir

Üz dərisinə qulluq prosesində intensiv istifadə olunan məhsullar çox vaxt xeyirdən çox zərər verir. Məhz buna görə mütəxəssislər dəri növünə uyğun təmizləyici, serum, nəmləndirici krem və Günəşdən qoruyucu vasitələrin kifayət olduğunu iddia edirlər. Lakin suyun əsas üz təmizliyi vasitəsi olduğunu kosmetoloqlar da təsdiq edir.

Bakıdakı 15 nömrəli poliklinikanın həkim-dermatoloqu Solmaz Orucovanın AZƏRTAC-a verdiyi məlumata görə, yalnız su ilə aparılan təmizləmədə əsas məqsəd dəridəki təbii nəmliyi qorumaqdır: “Ancaq yağlı və qarışıq dəri növünə su ilə təmizlik kifayət etmir. Burada diqqət edilməli bir neçə məqam var. İsti su dərinin yağ balansını pozmur və dərini qurudur. Quruluq qırışların və digər dəri problemlərinin yaranmasına səbəb olur. Üzü yuyarkən dərini ovuşdurmaq və üzərindən basaraq təmizləmək yalnız qıcıqlanmaya səbəb olur, bunun əvəzinə dərini yumşaq şəkildə masaj edərək yumaq daha yaxşıdır. Üzü yuyandan sonra yaxşıca yaxalamaq və məsamələrdə təmizləyici qalıq qalmadığına əmin olmaq lazımdır. Əks halda dəridə çətin həll olunan kimyəvi maddələr qala bilər. Xüsusilə çənə altında alma xətti və yanaq kənarların yaxşı təmizləndiyinə əmin olmaq lazımdır”.

Onun dediyinə görə, üzü yuyandan sonra dəsmala sarılmaq və nəmlik izi qalmayana qədər basaraq dərini qurutmaq düzgün deyil, dəsmalla rütubəti yüngülcə çəkmək və dərinin öz nəmini çəkməsini gözləmək daha yaxşıdır: “Belə olanda dərinin nəm balansı qorunur və qırışların yaranmasının qarşısı alınır. Onu da nəzərə almaq lazımdır ki, üzü tez-tez yumaq da təbii yağ balansının pozulmasına, dərinin qurumasına səbəb ola bilər. Ona görə də gündə iki dəfədən çox üzü yumaq lazım deyil. Az yumaq isə üzdə çirkin qalmasına və sızanaqların yaranmasına səbəb ola bilər. Dəri təmiz olandan sonra mütləq ona uyğun tonik və nəmləndiricidən istifadə etmək lazımdır. Dərinin təmizlənmiş açıq məsamələri xarici təsirlərə qarşı həssasdır. Toniklə məsamələr daralır, nəmləndirici isə dəri tərəfindən dərhal sorulur və yağ balansının qorunmasına kömək edir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video