30 Sentyabr 2022 10:48
614
DÜNYA
A- A+

“Şimal axını-1” və “Şimal axını-2” kəmərlərinin zədələnməsi nəticəsində boruda olan qazın yarısından çoxu atmosferə sızıb

 

Danimarkada aparılan hesablamalara görə, “Şimal axını-1” və “Şimal axını-2” qaz kəmərlərinin zədələnməsi nəticəsində, boruda olan qazın yarısından çoxu atmosferə sızıb.

 

AZƏRTAC xəbər verir ki, Danimarka rəsmiləri qazın yarıdan çoxunun atmosferə daxil olduğunu təsdiqləyiblər.

Danimarka Enerji Agentliyinin direktoru Kristoffer Botzau mətbuat konfransında deyib: "Biz boruların bazar gününədək tam boşalmasını gözləyirik".

Botzaunun sözlərinə görə, borulardan sızmaların səbəbi çox güman ki, təxribatdır. “Bu səbəbdən enerji hazırlığı səviyyəmizi narıncıya qaldırdıq. Bu, ikinci ən yüksək səviyyədir”, - deyə agentliyin direktoru bildirib.

Eyni zamanda, Danimarka və Qrenlandiya Geoloji Xidmətinin idarəedici direktoru Flemminq Larsen hadisə yerində bir neçə partlayışın baş verdiyini elan edib.

Danimarka rəsmilərinin fikrincə, qazın atmosferə buraxılması yaxınlıqdakı ərazilərin sakinləri üçün sağlamlıq riski yaratmır, lakin cari risklər daim qiymətləndirilir.

Qeyd edək ki, İsveçin “SEPO” təhlükəsizlik xidməti partlayışlar və daha sonra boru kəmərlərində qaz sızması ilə bağlı araşdırmalara başladığını elan edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video