01 Dekabr 2022 13:04
367
DÜNYA
A- A+

Si Cinpin: Ukrayna böhranının siyasi həlli Avropanın maraqlarına cavab verir  

 

Ukrayna-Rusiya müharibəsinin siyasi vasitələrlə həlli Avropanın maraqlarına uyğundur.

AZƏRTAC Çinin Mərkəzi Televiziyasına istinadla xəbər verir ki, bu barədə ÇXR lideri Si Cinpin Avropa İttifaqı Şurasının prezidenti Şarl Mişellə Pekində keçirdiyi görüşdə deyib.

“Ukrayna böhranının siyasi yolla həlli ən çox Avropanın və bütün Avrasiya ölkələrinin maraqlarına cavab verir”, - deyə Si Cinpin bildirib.

Onun sözlərinə görə, ÇXR Avropa İttifaqı ilə dinc yaşamağa və obyektiv münasibətə ümid bəsləyir: “Ümid edirik ki, Avropa İttifaqının üzvləri və mexanizmləri Çin haqqında obyektiv və etibarlı təsəvvür formalaşdıra biləcək”.

Tərəflər Ukrayna böhranı ilə bağlı fikir mübadiləsi aparıblar. “Çin Ukraynada vasitəçiliyik rolunun artırılmasında Avropa İttifaqını dəstəkləyir, Avropanın balanslı, effektiv və davamlı təhlükəsizlik arxitekturasının qurulmasına ümid edir. Pekin hər zaman sülh tərəfdarı olub və öz konstruktiv rolunu oynamaqda davam edəcək”, - deyə Si Cinpin vurğulayıb.

Çin lideri Avropa İttifaqı Şurasının rəhbəri ilə görüşündə Ukraynada gərginliyin qarşısını almağa çağıraraq qeyd edib ki, hazırkı vəziyyətdə böhranın eskalasiyasına və genişlənməsinə yol verməmək, sülhün bərqərar olması və danışıqlar üçün səy göstərmək lazımdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video