Qurban Qurbanov: Heç-heçə bizim üçün yaxşı nəticədir
"Çox uğurlu nəticə oldu. Daha yaxşısını gözləyirdim. Fikirləşirdim ki, meydana və hava şəraitinə daha tez uyğunlaşarıq. Matçdan öncə də demişdim ki, çətinliklərə dözmək lazım olacaq. Bir xal bizim üçün yaxşı nəticədir. Amma arxayınlaşmaq olmaz. "Hekken"lə Bakıdakı matçda daha diqqətli oynamalıyıq".
AZƏRTAC-ın Norveçə ezam olunmuş əməkdaşı xəbər verir ki, bu sözləri "Qarabağ"ın baş məşqçisi Qurban Qurbanov UEFA Avropa Liqasının qrup mərhələsində Norveçdə "Molde" ilə 2:2 hesablı heç-heçə etdikləri V turun oyunundan sonra mətbuat konfransında deyib.
51 yaşlı mütəxəssis bildirib ki, ikinci hissədə edilən məcburi əvəzetmələr gözlənilməz oldu: "Molde" çox keyfiyyətli komandadır. Onları ciddiyə almaq lazımdır. Hamı meydanda nə edəcəyini bilir. Rəqib ilk hissədə yaxşı oynadı. İkinci hissədə vəziyyəti düzəltsək də, meydan sahibləri iki top vurmağı bacardılar. Əvəzetmədən meydana daxil olan futbolçular da pis təsir bağışlamadılar".
Q.Qurbanovun sözlərinə görə, bu cür oyunlarda son dəqiqələrdə qol vurmaq çox vacibdir: "Bu, komandaya əlavə motivasiya verir. Bakıda "Bayer"ə uduzduğumuz görüşdə buraxılan qola futbolçularım çox üzülmüşdülər. Bu dəfə isə özümüz qol vurub sevindik. Bakıdakı matçda maksimum diqqətli olmağa çalışacağıq".
Təcrübəli mütəxəssis orta xətdə müəyyən çatışmazlıqların olduğunu etiraf edib: "Julio Romaonun olmaması, Juninyonun zədələnməsi planlarımızı pozdu. Biz hər zaman yaxşı oyunçu axtarışındayıq. Qışda istədiyimiz futbolçuları tapsaq, transfer edəcəyik".
O, son dəqiqələrdə vurulan qoldan da danışıb: "Bəhlul künc zərbəsindən sonra rəqibin cərimə meydançasında qaldı. Hətta həmin vaxt tapşırmışdım ki, riskə getməmək üçün Patrik Andrade irəlidə olsun, Bəhlul öz mövqeyinə qayıtsın. Amma belə alındı, müdafiəçimiz də öz üstün keyfiyyətindən istifadə edib fərqləndi".
Baş məşqçi son turda qarşılaşacaqları İsveç "Hekken"inin Bakıya iddialı gələcəyini vurğulayıb: "Rəqib xal qazana bilməyib. Çox aqressiv oynayacaqlar. Həddindən artıq istəkli olsaq, bu, oyunumuza mənfi təsir edə bilər".
Q.Qurbanov oyun ərzində ciddi həyəcan keçirmədiyini söyləyib: "Sadəcə, düşünürdüm ki, şansımız var. Qalib gəlib işi burada bitirə bilərdik. Amma Bakıdakı matça hazırlaşmalı olacağıq".
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
Strateji tərəfdaşlıq güclənir, qlobal nüfuz artır 28 Avqust 2024
Mehriban Əliyeva - Azərbaycan humanizminin simvolu26 Avqust 2024
"Gəl sənə Laçınımı göstərim..."25 Avqust 2024
"Mehriban xanım ürəyimizdə elə bir saray qurub ki..."24 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!