18 Yanvar 2022 13:58
291
CƏMİYYƏT

Qubada paxlavadan çox sevilən şirniyyat hansıdır?

Qubada hazırlanan şirniyyatlar arasında paxlava daha məşhur olsa da, bükməni seçənlər də az deyil.

AZƏRTAC-ın bölgə müxbiri xəbər verir ki, bükmə qubalıların daha çox üstünlük verdiyi şirniyyatlardandır. Quba bükməsi və paxlavası çay süfrələrinin əsas bəzəyidir. Rayona gələn qonaqlara adətən bu şirniyyatlar təqdim olunur.

Uzun illərdir paxlava bişirən Əbilfəz Xəlilov bildirib ki, isti-isti yeyilən bükmənin bişirilmə qaydası paxlavaya nisbətən daha sadədir.

“Bükməni bişirmək üçün ilk növbədə, xəmir yoğurulur. Xəmirin tərkibi yalnız un və sudan ibarət olur. Sonra mis sinidə ərişdə adlanan paxlava layları bişirilir. Bükmə hazırlanarkən bir ərişdənin arasına bol qozlu içlik əlavə olunaraq kvadrat formasında bükülür. Bükməni elə sonamın üstündən götürüb isti-isti alıcılara təqdim edirik. Belə daha dalı və yumşaq olur. Quba camaatı paxlavadan çox bükməni sevir”,-deyə paxlavaçı Əbilfəz Xəlilov söyləyib.

İçərisində qozlu içlik daha çox olan bükmənin qiyməti yüksək olur. Bükmənin bir ədədi 1,5-2 manata satılır.

Satıcılar paxlava alanlara bükmə də təklif edir. Tanımayanlar bükmə almağa tərəddüd etsə də dadına baxdıqdan sonra daimi müştəriyə çevrilirlər. Qubalılar qonaq gedəndə özləri ilə paxlava və bükmə hədiyyə aparırlar.

Bükmədən fərqli olaraq paxlavanın hazırlanması uzun çəkir. Bəzən bir sini paxlava üçün iki saatdan çox vaxt sərf olunur.

“Paxlava ilə bükmənin xəmirinin tərkibi eynidir. Mis sinidə bişirilən təxminən 50-yə yaxın ərişdə mis siniyə üyüdülmüş qoz ləpəsi ilə birlikdə düzülür. Ardınca ərişdələr paxlava formasında səliqə ilə doğranaraq üzərinə zəfəranlı boya çəkilir. Paxlavanın estetik görünüşlü olması üçün üzərinə qoz ləpəsi qoyulur, sabit temperaturda 20-30 dəqiqə müddətində bişirilir. Hazırlanma prosesi paxlavanın üzərinə qaynar şərbətin tökülməsi ilə yekunlaşır”, - deyə F.Xəlilov bildirib.

Paxlavanın bir kiloqramı 10 manata satılır. Romb formasında olan bir dilimi isə alıcılara 0,7-1 manata təklif olunur.

Paxlavaçılar bu şirniyyatların Qubanın rəmzlərinə çevrildiyini bildirirlər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video