06 Iyul 2022 16:26
218
CƏMİYYƏT

Qafqaz Müsəlmanları İdarəsinin sədri Koventri yepiskopu ilə görüşüb

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə Koventri yepiskopu, Lordlar Palatasının üzvü Kristofer Koksvört ilə görüşüb.

AZƏRTAC xəbər verir ki, yepiskopun təşəbbüsü ilə baş tutan görüşdə Şeyxülislam Allahşükür Paşazadə 44 günlük Vətən Müharibəsi haqqında məlumat verib. O, 30 il işğal altında qalan Azərbaycan torpaqlarının Prezident, Ali Baş Komandan İlham Əliyevin rəhbərliyi ilə rəşadətli Azərbaycan Ordusu tərəfindən azad olunduğunu bildirib.

O söyləyib ki, Ermənistan Azərbaycana məxsus İslam abidələrini ya tamamilə məhv edib, ya təhqir edib, ya da mənşəyini saxtalaşdırıb. Azərbaycan məscidləri, ziyarətgahları, qəbiristanlıqları vandalizmə məruz qalıb. Məscidlərdə heyvanları saxlamaqla İslam dininə həqarət edilib. Bunun əksinə olaraq, Bakının mərkəzində erməni kilsəsi qorunub saxlanıb. İşğaldan azad olunmuş ərazilərdə Rus Pravoslav və qədim alban kilsəsinə məxsus kilsələr mövcud olub ki, onların mənşəyi qəsdən saxtalaşdırılaraq qriqoryanlaşdırılıb.

Şeyxülislam deyib: Azərbaycanda etnik və dini müxtəliflik ölkəmizin milli sərvəti kimi dəyərləndirilir. Qarabağ torpaqlarında bütün dini məbədlər bərpa edilir, yenidən qurulur və dövlət tərəfindən qorunur. Bölgəmizin ümumi sabitliyi və tərəqqisi üçün Azərbaycan və erməni xalqlarının sülh içində yanaşı yaşaması zəruridir”. Şeyxülislam bu gün Azərbaycanın sülhə çağırışlar etdiyi halda, qarşı tərəfin revanşizmə yönəldiyini qeyd edib.

Yepiskop Kristofer Koksvört görüşə görə Şeyxülislam Allahşükür Paşazadəyə təşəkkür edib. Öz növbəsində Şeyxülislam onu Azərbaycana dəvət edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video