31 May 2022 11:53
1549
Səhiyyə
A- A+

Piyada gəzmək orqanizm üçün çox faydalıdır

Müasir dövrdə əksər insanlar aktiv həyat tərzi sürmürlər. Buna ya vaxt çatmır, ya da müxtəlif səbəbləri bəhanə gətirərək ciddi yanaşmırlar. Halbuki fiziki aktivliyi artırmaq, yaxşı formada olmaq üçün gün ərzində azı 30-45 dəqiqə piyada gəzmək kifayət edir. Piyada gəzmək əhvalı yaxşılaşdırır, emosional gərginliyi götürür, sakitlik yaradır. Eyni zamanda orqanizmdən zərrəli maddələrin qovulması prosesini sürətləndirir, maddələr mübadiləsini tənzimləyir.

AZƏRTAC xəbər verir ki, fizioterapevt Məhəmməd Şükürov deyib: “Optimal yeriş hər gün, həftədə beş dəfə minimum 3 min addım atılması deməkdir. Dəqiqədə 100 addım atılması optimal sayılır”.

Piyada gəzinti orqanizmdə tənəffüs və qan-damar sisteminin işini normada saxlayır, oynaqların funksiyasını yaxşılaşdırır. Gəzinti zamanı qan dövranı düzgün işləyir, beyin oksigenlə tam qidalanır, əhvalın xoş olması, stresin və gərginliyin aradan qaldırılması üçün də gəzinti ən yaxşı vasitədir.

Müsahibimiz deyib: “Elə optimal yeriş seçməliyik ki, nə passiv olmasın, nə də təngnəfəslik verməsin. Lakin bir qədər sürətli olmalıdır, çünki ürək döyüntüsünün sayını 100-ün üzərinə çıxmalıdır. Lakin onu aşırı dərəcədə də artırmaq olmaz. Ürək döyüntüsü 100-120 olanda metobolizm prosesi sürətli gedir”.

Sağlamlıq üçün sürətli yerişə üstünlük verilməlidir. Günün hansı saatlarının seçilməsi də əhəmiyyətli məsələdir. Oksigenin bol olduğu səhər saatlarında yaşıllıqlar arasında gəzmək daha münasibdir. Sağlamlığı optimal səviyyədə saxlamaq üçün yürüşə hər gün vaxt ayırmaq lazımdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video