24 Yanvar 2022 12:56
761
Səhiyyə
A- A+

Pandemiya ilə bağlı tətbiq edilən karantin tədbirləri fəsli infeksiyalarda “aqressivləşməyə” səbəb olub

 

Dünya ölkələrində, eləcədə Azərbaycanda yeni növ koronavirus (COVID-19) infeksiyası ilə əlaqədar tətbiq edilən sərt karantin tədbirləri makro və mikroorqanizmlər (viruslar) arasında simbioz yaşam qaydasını pozub. Nəticədə, virusla makroorqanizm arasında “neytrallığa” xidmət edən əks qütblü dəyişikliklər baş verib. Bu, məlum fəsli infeksiyalarda “aqressivləşməyə” səbəb olub. Pandemiyadan əvvəlki illərlə müqayisədə, hazırda ağır virus infeksiyalarının kəskin artımının yeganə səbəbi budur.

AZƏRTAC xəbər verir ki, bu fikirləri tibb elmləri doktoru, professor Musa Qəniyev deyib.

Professor bildirib ki, Britaniyanın “The Telegraph” agentliyi hazırda müşahidə olunan boğazda ağrı, burunun axması, öskürək, yorğunluq və s. kimi COVID-19-a xas klinikası olan bu əlamətləri “super qrip” və ya “super soyuqlama” adlandırıb, onu yeni virus ştamının əmələ gəlməsilə izah edib. İddia olunur ki, bu ştamın törətdiyi kəskin klinik əlamətlər qriplə müqayisədə daha güclü və uzunmüddətlidir. Əslində isə, bu, uzunmüddətli sərt karantin tədbirlərinin tamamilə təbii və qaçılmaz nəticəsidir. Ona görə də bir sıra hallarda həmin klinik əlamətləri COVID-19-a yoluxma bilib, PZR testi verdikdə, nəticə, təbii ki, mənfi olmalıdır. Belə olan halda, testin nəticəsinin düzgün olmadığını düşünüb qorxuya düşmək lazım deyil. Bu gün əhalinin böyük əksəriyyəti “qrippoz” vəziyyətdədir, lakin bu halın “omikron” ştamı ilə birbaşa bağlılığı yoxdur. İndi müşahidə edilənlər əhalinin dövrü olaraq ildə 2-3 dəfə yoluxduğu, patogenlik və yoluxduruculuq qabiliyyəti yüksəlmiş adi virus infeksiyaların əlamətləridir. Həmin simptomların aktiv davametmə müddəti 5-7 gündür”.

M.Qəniyevin dediyinə görə, koronavirus 57 ildir ki tibbə məlumdur: “PZR testinə mütləq selektivlik xas olmadığından yuxarı tənəffüs yollarının kəskinləşmiş virus təbiətli bütün infeksiyaları, o cümlədən “common cold”, yəni “adi soyuqlama”da belə testlərin nəticəsi 1/4 nisbətində müsbət ola bilər. Bu, COVID-19-a yoluxma deyil, virus daşıyıcısı olmaqdır. Yəni, testin nəticəsinin müsbət olması təkcə “omikron” və ya digər patogen ştamın deyil, həm də koronavirusun 229E, OK43, NL63 və ya HUK1 kimi şərti patogen ştamlarından birini daşımağın da göstəricisi ola bilər. Ona görə də PZR testinin hətta müsbət olması belə vaxtından əvvəl qorxuya düşməyə əsas vermir”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video