07 Avqust 2022 00:27
541
Elm və texnika
A- A+

Nazik kartof dilimləri

 

Kartof çipslərinin yaranmasının, sadəcə, bir istəklə meydana çıxdığı qeyd edilir. Belə ki, XIX əsrdə Nyu-Yorkda yerləşən restoranlardan birində yemək yeyən gəmiçilik maqnatı Kornelius Vanderbilt süfrəyə gətirilən qızardılmış kartofların çox qalın olduğundan narazılıq edərək aşpazdan yenisini bişirməyi tələb edib.

Bundan qəzəblənən aşpaz Corc Krom kartofları olduqca nazik dilimləyib xırtıldayana qədər qızardaraq Vanderbiltə göndərib. Əslində, aşpaz bunu Vanderbiltə dərs vermək üçün edib, amma gözlənilmədən maqnat yeməkdən məmnunluğunu bildirib.

Qısa bir vaxtda Kromun "Saratoqa Çipsləri" Nyu York ştatından kənarda da məşhurlaşıb. 1860-cı ildə Krom Saratoqa şəhəri yaxınlığında "Crum's House" adı ilə tanınan restoranını açıb.

Əslində, bu əhvalatla bağlı bir neçə hekayətlər də var. Hətta bəzi mənbələrdə Kromun kartof çipslərinin yeganə ixtiraçısı olmadığı da bildirilir. Çipsin məlum olan ən qədim resepti 1817-ci ilə aid edilir. Bu, Uilyam Kitçinerin "qızardılmış kartof" reseptinin də olduğu yemək kitabında qeyd edilib.

Kartof çipsləri uzun müddət yalnız restoranlarda mövcud olan delikates idi. Lakin 1895-ci ildə Uilyam Tappenden adlı sahibkar kartof çipslərini hazırladıqdan sonra rəflərdə saxlamağın yolunu da tapır. Daha sonra həyətindəki anbarı fabrikə çevirir. O, çipsləri hazırlayıb çəlləklərdə bazarlara çatdırır.

 1926-cı ildə isə kaliforniyalı qadın sahibkar Laura Skadder çipsləri mum və kağızdan hazırlanmış torbalarda qablaşdırmağa başlayıb. Bununla da çipslərin köhnəlməsinin qarşısı alınıb. Çipslərin ən məşhur markası olan "Lay's" isə Herman Leyin 1932-ci ildə müxtəlif qəlyanaltılar hazırlayan bir şirkət açması ilə ortaya çıxıb.

Hazırda çipslərin onlarca çeşidlərini, müxtəlif dadlı növlərini əldə etmək mümkündür. Çipslər piylənmə və hipertoniya kimi problemlərin yaranmasında rol oynadığı üçün uzun müddət tənqid olunsa da, qəlyanaltı sənayesində olduqca populyardır. Onların qatqısız təbii inqrediyentlərlə hazırlanan növləri də var.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video