24 May 2022 02:08
1194
SİYASƏT
A- A+

Möhtəşəm fəaliyyətlə qazanılan yüksək nüfuz

 

ABŞ Prezidenti Cozef Baydenin məktubu bu nüfuzun bir daha təsdiqidir!

 

Dünya miqyasında görünmək, fərqlənmək, tanınmaq və yüksək nüfuz qazanmaq o qədər də asan məsələ deyil!

Xüsusən də mahir siyasətçi və uzaqgörən dövlət başçısı kimi!

Yenicə dövlət müstəqilliyi qazanan nisbətən kiçik ölkələrin rəhbərlərinin isə nüfuz sahibinə çevrilməsi daha çox zaman tələb edən mürəkkəb prosesdir!

Böyük, əsrlərlə ölçülən demokratiya təcrübəsinə və tarixinə malik dövlətlər üçün bu, elə də problem sayılmır.

Çünki dövlətin keçmişdə qazandığı imic, iqtisadi, hərbi güc, beynəlxalq qurum və təşkilatlardakı sabitləşmiş yer və mövqe dövlət başçısının nüfuzuna əlavə dividendlər gətirir.

"Cavan" dövlətlər isə bütün bunlardan məhrumdurlar və həmin vəzifələri özləri yerinə yetirərək, zəruri işləri şəxsən görməlidirlər!

BELƏ Kİ:

* İqtisadiyyatı qaldırmaq və inkişaf etdirmək;

* Demokratik prinsip və tələbləri bərqərar edərək genişləndirmək, gündəlik həyat tərzinə çevirmək;

* Beynəlxalq qurum və təşkilatların işində yaxından iştirak edərək diqqətçəkən və faydalı təkliflər vermək, təşəbbüslər irəli sürməyi bacarmaq;

* Digər dövlətlərlə bərabərhüquqlu, qarşılıqlı hörmətə və maraqlara əsaslanan münasibətlər qurmaq;

* Dünyada baş verən hadisə və proseslər zamanı düzgün mövqe tutmaqla səhvsiz addımlar atmaq;

* Habelə bir sıra şəxsi keyfiyyətlərə - yüksək diplomatik bacarığa, ünsiyyət qurmaq məharətinə, cəlbedici və maraqlı nitq qabiliyyətinə, müxtəlif dillərdə təmiz danışmaq imkan və istedadına malik olmaq!

Tanrı bütün bu bacarıq və keyfiyyətləri Azərbaycan Prezidenti cənab

İlham Əliyevə səxavətlə verib!

İlham Əliyev Heydər Əliyev məktəbində əyani təhsil alan və həmin "universiteti" fərqlənmə diplomu ilə bitirən yeganə "məzun" sayılır!

İlham Əliyev dünyanın ən tanınmış təhsil ocaqlarından biri olan Moskva Beynəlxalq Münasibətlər İnstitutunda nəinki müvəffəqiyyətlə təhsil alaraq oranı fərqlənmə diplomu ilə bitirib, hətta sonradan dərs də deyib.

İlham Əliyev heç bir kağıza və tezisə baxmadan saatlarla, ən maraqlı və gerçək faktlara, rəqəmlərə istinad etməklə parlaq nitqlər söyləyir.

İlham Əliyev saatlarla, dörd dildə danışmaqla dünyanın ən tanınmış KİV-inin, informasiya agentliklərinin, telekanalların müxbirlərinin bütün suallarını xüsusi bacarıq və məharətlə cavablandırır.

İlham Əliyev çaşanlara çox mədəni və etik şəkildə yerini göstərməklə layiq olduqları cavabı verib susdura bilir!

İlham Əliyevin sözü imzası qədər etibarlıdır, dediyini hökmən edəndir!

İlham Əliyevin sevgisi də müqəddəsdir, qəzəbi də!

Biz bütün bu deyilənlərin möhtərəm Prezidentimizin on doqquz illik rəhbərliyi dövründə, 44 günlük Zəfər müharibəsində dəfələrlə, dönə-dönə canlı şahidi olmuşuq!

Azərbaycanın dövlət başçısı dünya miqyasında aydın görünən, obyektiv, dəyərli söz sahibi olan, daim qətiyyətli və ədalətli mövqe nümayiş etdirən liderlərdəndir!

O, beynəlxalq tədbirlərə daim dəvət alan, çıxışları və təşəbbüsləri hörmətlə dinlənilərək bəyənilən dövlət rəhbərlərindəndir.

Hazırkı nüfuz və sanbalı təkcə Azərbaycanı qısa müddətdə güclü, sayılıb-seçilən və Cənubi Qafqazın lider dövlətinə çevirməsi ilə deyil, həm də BMT Təhlükəsizlik Şurasının iclaslarına sədrliyi, İslam Əməkdaşlıq Təşkilatına, Qoşulmama Hərəkatına rəhbərliyi dövründə, habelə COVID-19 pandemiyasına qarşı mübarizə zamanı nümayiş etdirdiyi prinsipial, humanist addımlarla bağlıdır.

ABŞ Prezidenti Cozef Baydenin Azərbaycan Prezidentinə ünvanladığı məktubda söylənilən fikirlər, habelə fəaliyyətinə verilən yüksək dəyər əslində cənab İlham Əliyevin uzun illər ərzində həyata keçirdiyi praqmatik siyasətin də etirafı və qiymətləndirilməsidir.

"Əsl siyasət konkret və real iş görməkdən ibarətdir" söyləyən cənab İlham Əliyev dediklərini etmiş, verdiyi vədləri daim həyata keçirmiş, sözü ilə imzasının vəhdət təşkil etdiyini sübuta yetirmişdir!

Azərbaycanın inkişafı və xalqın rifahı naminə gördüyü işlərin, habelə dünyaya verdiyi dəyərli töhfələrin sayı-hesabı isə yoxdur.

Ölkəmizin yüksəlişi və beynəlxalq aləmdə müsbət imic qazanması naminə İlham Əliyevin gördüyü işlərə qısa nəzər salaq:

* Bütün dünya üçün faydalı olan Bakı-Tbilisi-Ərzurum və Bakı-Tbilisi-Qars layihələrini əngəlləri dəf edərək və çətinliklərə üstün gələrək reallaşdırmışdır;

* "Şərq-Qərb", "Şimal-Cənub" nəqliyyat dəhlizlərini işə salmış, Azərbaycanı tranzit logistika mərkəzinə çevirmişdir;

* Azərbaycanı terrorizmə qarşı mübarizədə fəallıq göstərən dövlət kimi tanıtmışdır;

* Avropanın enerji təchizatına dəyərli töhfələr verilməsini təmin etmişdir;

* Dünyada idmanın inkişafına Azərbaycanın öz sözünü söyləməsinə nail olmuşdur;

* Beynəlxalq təşkilatlara sədrliyi dövründə daim hamı tərəfindən bəyənilən təşəbbüslər irəli sürmüşdür;

* Ləyaqətli müharibə apararaq, 44 gün ərzində işğal altındakı torpaqları azad edərək Azərbaycanı qalib və qürurlu millət kimi tanıtmışdır;

* Dəfələrlə Ukraynaya humanitar yardımların göndərilməsini təmin etmişdir;

* Bu gün isə Ermənistanla sülh müqaviləsi bağlanılması, Cənubi Qafqazın sülh və əməkdaşlıq regionuna çevrilməsi üçün aydın və konkret mövqe ortaya qoyur!

ABŞ Prezidentinin məktubunda bütün bu məqamlara toxunulmuş, görülən işlərin dəstəkləndiyinə aydın işarələr verilmişdir.

Odur ki, Cozef Baydenin məktubundakı fikirlər hər bir azərbaycanlının qəlbindən xəbər verməklə bərabər, həm də razılıqla qarşılanır!

Məktubda yer alan bir neçə məqama diqqət yetirək:

* "Azərbaycan Avropa və dünya bazarlarının təhlükəsizliyinin təmin olunması və sabitləşdirilməsində önəmli rol oynayır".

* "...Sizin terrorizmə qarşı qlobal mübarizəyə verdiyiniz əhəmiyyətli töhfələrinizi təsdiq edirik".

* "Rusiyanın Ukraynaya qarşı müharibə ilə beynəlxalq təhlükəsizliyin əsas sütunlarını sıradan çıxarmağa çalışdığı bu qlobal qeyri-sabitlik dönəmində Amerika Birləşmiş Ştatları Azərbaycanın müstəqilliyi və suverenliyinə öz dəstəyini bir daha təsdiq edir".

* "Azərbaycanın Ukraynanın suverenliyinə dəstəyi, habelə Ukraynaya göstərdiyi humanitar və enerji sahəsində yardımı vacib ismarıc verir".

* "Amerika Birləşmiş Ştatları bütün Qafqaz və trans-Xəzər regionunun çiçəklənməsinə imkan verəcək Azərbaycan ilə Ermənistan arasında diplomatik təmasların intensivləşdirilməsinə və Azərbaycanın iqtisadi, nəqliyyat və insanlararası əlaqələrinin qurulmasına kömək etməyə hazırdır".

* "Biz qarşıdan gələn illər və onilliklərdə münasibətlərimizi daha da dərinləşdirmək arzusundayıq".

***

Məktubda yer almış bütün bu fikirlər eyni zamanda:

* Azərbaycan Prezidenti İlham Əliyevin yeritdiyi müdrik siyasətə verilən yüksək qiymətdir;

* 44 günlük Zəfər müharibəsinin nəticələrini bəyənməkdir;

* Azərbaycanın atdığı bütün addımların doğruluğunun təsdiqidir!

* Azərbaycanın irəli sürdüyü beş prinsip əsasında aparılan sülh danışıqlarına dəstəkdir!

* Həm də bədxahlarımıza, araqarışdıranlara verilən ciddi mesajdır!

* Cənubi Qafqazdakı yeni reallıqların etirafı və qəbul edilməsidir!

* ABŞ-ın Azərbaycanla birgə olduğunu göstərən əyani sübutlardır!

Bütövlükdə ABŞ Prezidentinin Azərbaycanın dövlət başçısına göndərdiyi bu məktub Prezident İlham Əliyevin beynəlxalq miqyasda gördüyü işlərin ən yüksək formada və açıq şəkildə bəyənilməsi, dəstəklənməsidir!

Dostlar sevinsin, düşmənlər...

 

Bəxtiyar SADIQOV

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video