20 May 2022 22:09
292
PARLAMENT

Milli Məclisin deputatı yenidən MDB PA-nın daimi komissiyasının sədr müavini seçilib

Mayın 20-də Müstəqil Dövlət Birliyinin Parlament Assambleyasının (MDB PA) İqtisadiyyat və maliyyə üzrə daimi komissiyasının videokonfrans formatında iclası keçirilib.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildirilib ki, tədbirdə MDB PA-da Azərbaycan Milli Məclisinin nümayəndə heyətinin üzvləri - MDB PA-nın İqtisadiyyat və maliyyə üzrə daimi komissiyasının sədr müavini Rüfət Quliyev, üzvləri İltizam Yusifov və Anar Məmmədov iştirak ediblər.

Daimi komissiyanın gündəliyi təsdiq olunduqdan sonra təşkilati məsələlərə baxılıb.

Milli Məclisin deputatı Rüfət Quliyev yenidən MDB PA-nın İqtisadiyyat və maliyyə üzrə daimi komissiyasının sədr müavini vəzifəsinə seçilib.

Sonra komissiya üzvləri MDB iştirakçısı olan dövlətlər arasında iqtisadi təhlükəsizlik sahəsində əməkdaşlığın inkişafına dair tövsiyələrə, “Dövlət satınalmaları haqqında” və “MDB-yə üzv dövlətlərdə texnologiya transferi, onun dəstəklənməsi və tənzimlənməsi tədbirləri haqqında”, həmçinin rəqəmsallaşdırma sahəsində nümunəvi qanun layihələri zərfinə baxıblar. Deputatlar zərfə daxil olan digər model qanun layihələrini müzakirə ediblər.

İclasın sonunda Müstəqil Dövlətlər Birliyində 2023-2025-ci illər üçün Perspektiv Model Qanunvericilik layihəsinə dair təkliflərə də baxılıb, 2021-ci ildə görülən işlər təhlil edilib, qurumun növbəti müddət üçün hazırlanan model qanunvericilik işlərinin perspektiv planına təkliflər nəzərdən keçirilib, növbəti iclasların tarixi və ilkin gündəliyi müəyyənləşdirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video