01 Dekabr 2022 23:05
277
İDMAN
A- A+

Mərakeş millisi tarixində ikinci, Xorvatiya isə üçüncü dəfə pley-offa yüksəlib

 

Futbol üzrə Mərakeş və Xorvatiya milli komandaları dünya çempionatının pley-off mərhələsinə adlayıblar.

AZƏRTAC xəbər verir ki, Qətərdə təşkil olunan mundialın F qrupunun üçüncü turu çərçivəsində Mərakeş millisi Kanada yığması ilə qarşılaşıb. Matçda hesab 4-cü dəqiqədə açılıb. Mərakeşli futbolçu Hakim Ziyeş komandasını hesabda önə keçirib. Təzyiqi daha da artıran Mərakeş millisi 23-cü dəqiqədə ikinci topu rəqib qapısından keçirib. Bu dəfə Yussuf En-Nesiri fərqlənib. Qarşılaşmanın 41-ci dəqiqəsində üçüncü qol vurulub. Bu dəfə mərakeşli futbolçu Naif Ager avtoqol müəllifi olub. İkinci hissədə qol vurulmayıb və Mərakeş seçməsi 2:1 hesablı qələbə qazanıb.

Qrupun digər oyununda Xorvatiya və Belçika yığmaları üz-üzə gəliblər. Komandaların cəhdlərinə baxmayaraq oyunda hesab açılmayıb – 0:0.

Hesabında 7 xal olan Mərakeş millisi qrup lideri kimi mərhələ adlayıb. Xorvatiya 5 xalla qrupda ikinci olub və pley-offa yüksəlib. Belçika millisi 4 xalla üçüncü olub, Kanada isə xal qazana bilməyib.

Mərakeş tarixində ikinci dəfə, Xorvatiya isə üçüncü dəfə pley-off mərhələsinə adlayıb.

Bu gün E qrupu çərçivəsində Kosta-Rika – Almaniya və Yaponiya – İspaniya oyunları da keçiriləcək. “Əl Beyt” stadionunda oynanılacaq Kosta-Rika – Almaniya matçını fransız qadın FIFA referisi Stefani Frappar idarə edəcək. “Xəlifə” stadionunda keçiriləcək digər matç isə Viktor Qomesə (CAR) həvalə olunub. Hər iki oyun Bakı vaxtı ilə saat 23:00-da başlayacaq.

Hesabında 4 xal olan İspaniya millisi qrupa liderlik edir. Yaponiya və Kosta-Rika milliləri 3 xalla ikinci-üçüncü pillədə yer alıblar. Almaniyanın isə aktivində 1 xal var.

Qeyd edək ki, Portuqaliya, Braziliya, Niderland, Seneqal, İngiltərə, ABŞ, Fransa, Avstraliya, Argentina və Polşa yığmaları səkkizdəbir finala vəsiqəni təmin ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video