25 Yanvar 2022 09:20
340
DÜNYA

London meri sürücülərə yeni vergi təklif edib

London meri Sadiq Xan avtomobil sürücülərinə yeni vergi təklif edib.

AZƏRTAC xəbər verir ki, Londonun qarşısına qoyduğu “2030 - xalis sıfır emissiya” hədəfinə çatması üçün Lord Böyükşəhər Bələdiyyəsi tərəfindən hazırlanan yeni hesabat dərc olunub. Hesabata görə, bu hədəfə çatmaq üçün yaxın səkkiz il ərzində paytaxtda nəqliyyat vasitələrinin hərəkəti 27 faiz azalmalıdır.

London meri Sadiq Xan, ən təmiz yanacaqla işləyən avtomobillər istisna olmaqla, paytaxtdakı bütün avtomobillərə gündə 2 funt-sterlinq "təmiz hava" vergisi tətbiq etməyi təklif edib. O deyib ki, “təmiz hava” vergisi insanları ictimai nəqliyyata, gəzməyə, velosiped və elektrikli nəqliyyat vasitələrindən istifadə etməyə təşviq üçün nəzərdə tutulub.

Mer bu planı daha çox gecikdirmək istəmədiyini söyləyib. O, İngiltərənin müxtəlif şəhərlərindən avtomobillə paytaxta gəlmək istəyənlərin də bu vergi sisteminə daxil olmasını istəyir.

Parlamentdə Yaşıllar Partiyasının üzvləri və Liberal Demokratlar uzun müddətdir ki, daha sadə və ədalətli vergi sistemini dəstəkləyirlər. Yaşıllar Partiyası iddia edir ki, yeni sistem şəhərə ildə 500 milyon funt-sterlinq gəlir gətirəcək.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video