Küçələr yuyuldu, ağaclar budandı, yeni gül kolları əkildi
Paytaxtda keçirilən ənənəvi ümumşəhər iməciliyində qələbəlik yaşandı
Paytaxt Bakı beynəlxalq səviyyəli tədbirlərə evsahibliyi etməkdə davam edir. Ölkəmizdə keçirilən beynəlxalq yarışlar, müxtəlif tədbirlər, sərgilər şəhərimizin imicinə də müsbət təsir göstərir.
Keçirilən tədbirlər çərçivəsində Bakıya müxtəlif xarici ölkələrdən mötəbər qonaqlar gəlir. Pandemiyadan sonra xarici turistlərin də sayı artmaqda davam edir. Ölkəyə gələn qonaqlar daim şəhər əhalisinin qonaqpərvərliyindən danışır, Bakının gözəlliyinə heyran olduqlarını, Xəzərin sahilində yerləşən şəhərimizin ildən-ilə inkişaf etdiyini bildirirlər.
Qarşıdan yay aylarının gəlməsi, turizm mövsümünün daha da canlanması ilə paytaxtda xarici qonaqları daha çox görəcəyik. Paytaxt sakinləri də havaların xoş keçməsi ilə əlaqədar artıq parklara, istirahət yerlərinə üz tuturlar.
Təbii ki, buna görə şəhərin təmizliyi, yaşıllıqların vəziyyəti, artırılması mühüm əhəmiyyət kəsb edir. Bu və paytaxtın daha da gözəlləşdirilməsi məqsədilə Bakı Şəhər İcra Hakimiyyətinin qərarı ilə mütəmadi olaraq ümumşəhər iməcilikləri keçirilir.
Mövsüm ilə əlaqədar növbəti iməciliklərdən biri də dünən reallaşdı. Bakı Şəhər İcra Hakimiyyəti qurumlarının əməkdaşlarının iştirakı ilə səhər saatlarından başlanan iməcilik paytaxtın bütün rayonlarını əhatə etdi. İməcilik zamanı kommunal xidmətləri tərəfindən şəhərdə prospekt və küçələrin, səki kənarlarının, bordürlərin, işıq dirəklərinin, yol kənarındakı məhəccərlərin, binaların fasadlarının, park və istirahət yerlərində oturacaqların yuyulması həyata keçirildi.
İməcilikdə prospekt və küçələr boyunca yerləşən ictima-iaşə, ticarət və digər obyektlərin vitrinləri, köşklər və avtobus dayanacaqları yuyuldu, ətrafı təmizləndi. Müşahidələrimizə əsasən, ictimai iaşə, mağaza və digər xidmət sahələrinin əməkdaşları da öz obyektlərinin fasad və vitrinlərinin yuyulması, onların qarşısında səliqə-sahman yaradılması işlərində fəallıq göstərirdilər. Təbii ki, şəhərin təmizliyi, ətraf mühitin çirklənməsinin qarşısının alınması, yaşıllıqların qorunması hər bir vətəndaşdan asılıdır.
Bakı Şəhər Yaşıllaşdırma Təsərrüfatı Birliyinin əməkdaşları tərəfindən əsas magistral yol və prospektlərin kənarlarındakı ağacların üzərinə toplanan toz və torpaq yuyulur, onların dibi yumşaldılır, qurumuş budaqları budanırdı. Mövsümlə əlaqədar ağaclara və yaşıllıq sahələrinə aqrotexniki qulluq göstərilir, təbii gübrələr verilirdi. Eyni zamanda, şəhər ərazisində Abşeron iqliminə uyğun yeni ağaclar, kollar, güllər əkilir, yaşıllıq zolaqları və parklarda qazon örtüyü yenilənirdi.
Bakı Şəhər İcra Hakimiyyətinin kommunal təsərrüfat xidmətlərinin texnikası əsas küçə və prospektləri xüsusi maddələrlə yudu, əməkdaşlar tərəfindən şəhərin icra hakimiyyətinin balansında olan yaşayış binalarında, həyət və yaşayış məhəllələrində, məişət tullantılarının atıldığı konteyner meydançalarının ətrafında əlavə təmizlik işləri görüldü.
Bakı Şəhər İcra Hakimiyyətinin Şəhər təsərrüfatı şöbəsinin müdiri Ayaz Hüseynov görülən işlər barədə jurnalistlərə məlumat verərək bildirdi ki, son günlərdə Bakıda beynəlxalq səviyyəli müxtəlif tədbirlər keçirildiyi üçün şəhərdə turistlərin, mötəbər qonaqların sayı kəskin artmaqdadır: "Eyni zamanda yaz-yay mövsümünə keçidlə bağlı sakinlər tərəfindən parklara kütləvi axın başlamışdı. Bu da həm yaşıllıqların yaxşı səviyyədə olmasını, həm də təmizlik və səliqə-sahmanın daha da diqqətdə saxlanmasını zəruri edir. Bununla bağlı Bakı Şəhər İcra Hakimiyyəti növbəti iməcilik həyata keçirir. Bu tədbirlər çərçivəsində təmizlik işləri qazon örtüklərinin yumşadılması və mövsümə uyğun yaşıllıqların salınması həyata keçirilir. Həmçinin güllərdən kompozisiyalar hazırlanır".
İməciliyin mütəmadi olaraq keçiriləcəyini qeyd edən Ayaz Hüseynov həmçinin ictimai iaşə, ticarət obyektlərinin sahiblərini və dövlət təşkilat rəhbərlərini tədbirlərdə fəal olmağa çağırıb.
Qeyd edək ki, mütəmadi olaraq keçirilən iməciliklər, təmizlik və abadlıq işləri, yeni yaşıllıqların salınması paytaxt Bakının daha da gözəlləşməsinə töhfə verir. Eyni zamanda paytaxtımız gözəlliyi, təmizliyi, qonaqpərvər ruhu ilə şəhərə gələn xarici qonaqları özünə bir daha valeh edir.
Əsmər QARDAŞXANOVA,
İlham BABAYEV (foto),
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Opel Astra”nın hibrid variantı təqdim olunub
29 Mart
Harvard Universiteti qədim kitabın cildindən insan dərisini çıxarıb
29 Mart
XƏBƏRDARLIQ: Hava şəraiti dəyişəcək, külək, yağış, qar, daşqın və sel gözlənilir
29 Mart
Rəcəb Tayyib Ərdoğan may ayında Vaşinqtona səfər edəcək
29 Mart
Energetika naziri Qazaxda vətəndaşlarla görüşüb
29 Mart
Türkiyədə bələdiyyə seçkilərinə hazırlıq başa çatıb
29 Mart
“2026-cı ilə qədər 6000 keçmiş məcburi köçkünün peşə təliminə cəlb olunması nəzərdə tutulub” - AÇIQL...
29 Mart
"Aqroservis" ASC-nin sədr müavini Zaqatalada vətəndaşları qəbul edib, təsərrüfatlarla tanış olub...
29 Mart
Almaniyada kimlər daha çox pensiya alır?
29 Mart
Havada toz müşahidə olunur
29 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!