13 Yanvar 2022 14:00
452
DÜNYA

KTMT qüvvələrinin Qazaxıstandan çıxarılması üçün hazırlıqlara başlanılıb

 

Kollektiv Təhlükəsizlik Müqaviləsi Təşkilatı (KTMT) kontingentinin Qazaxıstandan çıxarılması üçün hazırlıqlara başlanılıb.

AZƏRTAC Interfax agentliyinə istinadla xəbər verir ki, bu barədə Rusiyanın Müdafiə Nazirliyi məlumat yayıb. “Qazaxıstan Respublikasında tapşırıqları yerinə yetirən KTMT-nin kollektiv sülhməramlı qüvvələri texnika və materialları Rusiya kosmik qüvvələrinin hərbi-nəqliyyat aviasiyasının təyyarələrinə yükləmək və daimi dislokasiya məntəqələrinə qayıtmaq üçün hazırlıqlara başlayıb”, - deyə nazirlikdən bildirilib.

KTMT qüvvələrinin ölkələrinə qaytarılması prosesi Qazaxıstan tərəfi ilə əməkdaşlıq çərçivəsində təşkil olunacaq. Həmçinin ölkənin strateji obyektlərinin mühafizəsi Qazaxıstanın təhlükəsizlik qüvvələrinə təhvil verilir.

Bu gün KTMT-nin Hərbi idarə rəisləri şurasının video-konfrans formatında növbədənkənar iclası keçiriləcək. İclasda təşkilatın qüvvələrinin Qazaxıstandan çıxarılması prosesinin təsdiqlənəcəyi gözlənilir.

Qeyd edək ki, 2022-ci ilin ilk günlərində Qazaxıstanın qərbində yerləşən Janaozen və Aktau şəhərlərində maye qazın qiymətinin bahalaşmasına qarşı etiraz aksiyaları başlayıb. Sonradan digər regionlara, o cümlədən respublikanın ən böyük şəhəri Alma-Ataya yayılan aksiyalar iğtişaşlara çevrilib. Qazaxıstan hökuməti istefaya göndərilib və respublikada fövqəladə vəziyyət rejimi elan olunub. Prezident Kasım-Jomart Tokayev Qazaxıstana hərbi dəstək göstərilməsi üçün KTMT-yə müraciət edib.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video