08 Avqust 2022 19:02
653
DÜNYA
A- A+

Kreml Türkiyə Prezidentinin Rusiya ilə Ukrayna arasında danışıqların təşkili ilə bağlı səylərini yüksək qiymətləndirir  

Kreml Türkiyə Prezidenti Rəcəb Tayyib Ərdoğanın Rusiya ilə Ukrayna arasında danışıqlar prosesinin təşkil edilməsi ilə bağlı səylərini yüksək qiymətləndirir.

AZƏRTAC xəbər verir ki, bu barədə Rusiya Federasiyası Prezidentinin mətbuat katibi Dmitri Peskov jurnalistlərə bildirib.

O, Türkiyə Prezidentinin Rusiya ilə Ukrayna prezidentləri arasında görüş təşkil etmək təklifi ilə bağlı sualı cavablandırarkən deyib: “Bilirsiniz ki, Prezident Ərdoğan dəfələrlə öz köməyini təklif edib və sülh prosesinin başlanması üçün səylər göstərib. Biz bilirik ki, Rusiya və Ukrayna nümayəndə heyətləri arasında danışıqların bir neçə raundunun keçirilməsi üçün çox yaxşı şəraitin təşkilində onun rolu kifayət qədər böyük olub. Prezident də bu cür siyasi iradə ifadə etməkdə davam edir - belə bir prosesə kömək etmək üçün səylər göstərir. Lakin bilirsiniz ki, Ukraynanın danışıqlar aparan nümayəndə heyəti, necə deyərlər, “radarlardan uzaqlaşıb”. Hazırda bununla bağlı heç bir danışıqlar prosesi yoxdur”.

D.Peskov əlavə edib ki, hazırda heç bir danışıqlar və onlar üçün heç bir ilkin şərt yoxdur.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video