İstanbulda 27-ci Avrasiya İqtisadi Zirvə toplantısı davam edir
İstanbulda keçirilən 27-ci Avrasiya İqtisadi Zirvə toplantısı davam edir.
AZƏRTAC xəbər verir ki, bu il “Böhranlardan sabitliyə, əhatəli bir dünya inşa etmək” mövzusuna həsr edilən tədbir Mərmərə Qrupu Strateji və Sosial Araşdırmaları Vəqfinin ev sahibliyi ilə baş tutub.
Tədbirin açılış mərasimində Azərbaycan və Türkiyə prezidentləri İlham Əliyev və Rəcəb Tayyib Ərdoğanın iştirakçılara ünvanlanan məktubları oxunub.
Mərasimdə çıxış edən Mərmərə Qrupu Strateji və Sosial Araşdırmaları Vəqfinin sədri Akkan Suver, Türkiyə Böyük Millət Məclisinin Xarici əlaqələr komitəsinin sədri Fuat Oktay, deputat Mövlud Çavuşoğlu, Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) baş katibi Asəf Hacıyev, Türkiyə Xarici İşlər Nazirliyinin Cənubi Qafqaz, Mərkəzi Asiya və Şərqi Avropa üzrə Baş İdarəsinin rəisi Mehmet Samsar, Şimali Kipr Türk Cümhuriyyətinin Prezidenti Ersin Tatar və digərləri bildiriblər ki, dünyada gözlənilməz anlarda fərqli şəkildə və ya eyni vaxtda baş verən təbii, iqtisadi, sosial və siyasi proseslər bəzən regional və ya qlobal böhranlara çevrilir. Bu cür qlobal böhranların həlli isə ölkələr arasında əməkdaşlıq tələb edir. Dünyada COVID-19 pandemiyası ilə başlayan, iqlim dəyişikliyi, Rusiya-Ukrayna və İsrail-Fələstin qarşıdurmaları ilə davam edən hadisələrin qlobal arenada təsirləri davam etməkdədir. Belə məsələlər iqtisadiyyata təsirsiz ötüşmür ki, bu da bütün dünyaya təsir edir.
İkinci Qarabağ müharibəsindən sonra Cənubi Qafqazdakı son vəziyyətə toxunan Mehmet Samsar bunu tarixi sülh üçün bir fürsət kimi dəyərləndirib. Bu fürsətin dəyərləndirilməsinin bölgəmiz üçün yeni dövrün başlanğıcı ola biləcəyini qeyd edən Türkiyə XİN rəsmisi bu çərçivədə ən qısa zamanda Azərbaycanla Ermənistan arasında sülh sazişinin imzalanmasını gözlədiklərini vurğulayıb.
Qeyd edilib ki, Azərbaycan və Ermənistan arasında sülh müqaviləsi imzalanarsa, Türkiyə-Ermənistan münasibətlərinin normallaşması istiqamətində maneə qalmayacaq.
Tədbir “Ümumi iqtisadi mövzular”, “İqlim böhranı, ətraf mühit və enerji problemləri”, “Əsas hüquqlar. Demokratiya və avtoritar rejimlərdə hüquq pozuntuları”, “Qanunsuz ticarətə qarşı mübarizə çərçivəsində əməkdaşlıq”, “Süni intellekt, bəşəriyyətin gələcəyi və hüquqi infrastruktur”, “Nəqliyyat dəhlizləri: dünyanın inteqrasiyası layihəsi, Bir kəmər - Bir yol layihəsi və onun 2023-2024-cü illər üçün perspektivləri” mövzularının müzakirəsi ilə davam etdirilib.
Ölkəmizi tədbirdə Azərbaycanın Türkiyədəki səfiri Rəşad Məmmədov, İstanbuldakı baş konsulumuz Nərminə Mustafayeva, Qara Dəniz İqtisadi Əməkdaşlıq Təşkilatı Parlament Məclisinin baş katibi Asəf Hacıyev və digər nümayəndələr təmsil edirlər.
Toplantının ikinci günü “Su arxasınca gedən həyat” mövzusunda keçiriləcək toplantı Türkiyənin doqquzuncu prezidenti Süleyman Dəmirəlin 100 illik yubileyinə həsr olunacaq.
Builki Zirvə toplantısında dünyanın 40 ölkəsindən nümayəndələr iştirak edir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakıda Qırğızıstanın müstəqillik günü təntənə ilə qeyd edilib
01 Sentyabr
Parisdə keçirilən aksiyada Avropa İttifaqının bayrağı cırılıb
31 Avqust
Naxçıvanda parlament seçkiləri 331 məntəqədə keçiriləcək
31 Avqust
Vuçiç: Serbiya 2030-cu ilədək Aİ-yə üzv ola bilməyəcək
31 Avqust
Birinci vitse-prezident Mehriban Əliyeva Paralimpiya Oyunlarında gümüş medal qazanan Raman Saleyi tə...
31 Avqust
Premyer Liqa: “Sabah” “Kəpəz”ə qalib gəlib
31 Avqust
“Paris-2024”: Azərbaycan paraüzgüçüsü gümüş medal qazanıb
31 Avqust
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!