12 May 2022 16:30
156
DÜNYA

İrina Vereşçuk: “Azovstal”dan təxliyə üçün xüsusi əməliyyat bir neçə mərhələdən ibarət olacaq 

 

Rusiya Federasiyası Mariupoldakı “Azovstal”dan hərbçilərin çıxarılması proseduruna razı olmayıb. Onlar yalnız təslim olmağı təklif edirlər. Ona görə də yaralıların azad edilməsi üçün xüsusi əməliyyat bir neçə mərhələdən keçəcək.

AZƏRTAC xəbər verir ki, bunu mətbuata açıqlamasında Ukraynanın Baş nazirinin müavini İrina Vereşçuk deyib.

"Danışıqlar davam edir. Rusiya Federasiyası çıxarılma proseduruna razı olmadı. Onlar yalnız təslim olmağı təklif edirlər. Bildiyiniz kimi, bizim uşaqlar silahı yerə qoymağa razı deyillər. Bu gün yalnız bir yol var - addım-addım getmək. Xüsusi əməliyyat bir neçə mərhələdən ibarət olacaq. Birinci mərhələ ağır yaralıların təxliyəsidir”, - deyə Vereşçuk bildirib.

O, həmçinin xatırladıb ki, döyüşçülərin azad edilməsi ilə bağlı əvvəllər davam edən danışıqlar dayandırılıb.

"Biz danışıqların yeni raunduna başladıq. Əvvəlkilər uğursuzluqla başa çatıb. Burada Ukrayna Silahlı Qüvvələrinin, Milli Qvardiyanın, Milli Polisin, Ukrayna Təhlükəsizlik Xidmətinin, Sərhəd Mühafizə Xidmətinin yüzlərlə əsgər və zabiti var”, - deyə İrina Vereşçuk əlavə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video