22 Noyabr 2022 15:53
142
DÜNYA
A- A+

İran Avstraliyanın səfirinə etiraz notası təqdim edib

 

Avstraliyanın İrandakı səfiri bu ölkənin Xarici İşlər Nazirliyinə (XİN) çağırılıb və ona etiraz notası təqdim olunub.

AZƏRTAC İran XİN-ə istinadla xəbər verir ki, Avstraliyanın Baş nazirinin İranda baş verən kütləvi aksiyalara dəstək verməsi və insan hüquqlarının pozulmasına görə rəsmi Tehranı tənqid etməsi birmənalı qarşılanmayıb. İran XİN-in nümayəndəsi Nasir Kənani bildirib ki, Avstraliya hökumətinin insan hüquqlarından danışması siyasi xarakter daşıyır və İrana qarşı təzyiq vasitəsidir. Səfir İranın etirazının dərhal öz hökumətinə çatdıracağını bildirib.

Nəzərə çatdıraq ki, sentyabrın 16-da Tehranda əxlaq polisinin 22 yaşlı qıza qarşı tətbiq etdiyi zorakılıqdan sonra İranda ictimai-siyasi vəziyyət pozulub. Polis kütləvi aksiya iştirakçılarına qarşı güc tətbiq edib. Artıq 3-cü aydır ki, İranın şəhərlərində aksiyalar davam edir. Aksiyalarda təhlükəsizlik qüvvələrinin 40-dan çox nümayəndəsi və 300-dən çox aksiya iştirakçısı qətlə yetirilib.

Dünən Kirmanşah şəhərində təhlükəsizlik qüvvələri ilə aksiya iştirakçıları arasında silahlı toqquşma olub. Aksiyada iştirak edən gənclər avtomat silahlarla polisi atəşə tutub.

İran Prezidenti İbrahim Rəisi Ali Rəhbər Əli Xamneyinin fikirlərini əsas tutaraq iğtişaş yaradanların cəzalanacağını bildirib. Kütləvi iğtişaşlar törətməkdə ittiham edilən 3 nəfər edam hökmünə məruz qalıb.

Hələlik İranda qeyri-sabit vəziyyət davam edir ki, bununla yanaşı, beynəlxalq aləmin etirazları da özünü gözlətmir. Təkcə bir faktı qeyd edək ki, son 20 gün ərzində Böyük Britaniyanın İrandakı səfiri 4-cü dəfə XİN-ə çağırılıb və ona etiraz notası təqdim olunub. Bununla yanaşı Portuqaliya, İsveç və digər Avropa dövlətlərinin İrandakı səfirlərinə etiraz notaları təqdim olunub. Rəsmi Tehran bu dövlətləri İranın daxili işlərinə qarışmaqda ittiham edir.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video