16 May 2022 21:41
488
SİYASƏT
A- A+

İƏT Ombudsmanlar Assosiasiyasının Azərbaycanla bağlı hesabatının təqdimatı olub

Mayın 16-da Ankara şəhərində Türkiyənin Baş Ombudsmanı və İslam Əməkdaşlıq Təşkilatı Ombudsmanlar Assosiasiyasının prezidenti Şərəf Malkoçun rəhbərlik etdiyi nümayəndə heyəti tərəfindən ötən ilin sentyabrın 14-dən 19-dək Azərbaycana səfər çərçivəsində Şuşa, Ağdam və Tərtər şəhərlərində aparılmış yerində araşdırmaların nəticələri əsasında hazırlanmış hesabatın təqdimatı keçirilib.

AZƏRTAC xəbər verir ki, Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva təqdimat mərasimində iştirak edərək hesabatla bağlı fikirlərini bildirib.

Qeyd olunub ki, hesabatın hazırlanmasında əsas məqsəd zorla doğma yurdlarından qovulmuş ailələrin evlərinə geri qayıtması üçün Ermənistanın mina xəritələrini Azərbaycana təqdim etməsinin təşviq olunması, bu məsələ ilə bağlı beynəlxalq səviyyədə məlumatlılığın və təzyiqlərin artırılması, işğal dövründə, eləcə də 44 günlük İkinci Qarabağ müharibəsi zamanı Ermənistan tərəfindən törədilmiş insan hüquq pozuntularına qiymət verilməsidir.

Təqdimat zamanı diqqətə çatdırılıb ki, yerində araşdırmalar çərçivəsində işğaldan azad edilmiş ərazilərdəki dağıdılmış tarixi-mədəni abidələrə baxış keçirilib. Həmçinin nümayəndə heyətinin Azərbaycan torpaqlarında yerləşdirilən və xəritələri verilməyən yüz minlərlə minanın basdırıldığı ərazilərə səfər edərək minatəmizləmə prosesi ilə tanış olduğu da vurğulanıb.

Mətbuata verilən açıqlamalar zamanı Ermənistanın Birinci Qarabağ müharibəsi zamanı itkin düşmüş dörd minə yaxın azərbaycanlının taleyi barədə məlumat verməməsi, habelə mina probleminin ciddi təhlükə olaraq qalması barədə danışılıb.

Yekunda mətbuat nümayəndələrinin sualları cavablandırılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video