“Hələ ömür sarayıma qoyulası çox kərpicim var”
Ötən hər günü ömür evindən qopan kərpiclə müqayisə edənlərin bu bənzətməsi nə qədər şairanə olsa da, yaş üstə yaş gətirən günlərin, illərin məntiqini, fəlsəfəsini əks etdirmir. Bu baxımdan biz yaşadığımız hər günü, hər ili ömür evindən qopan yox, ona qoyulan növbəti kərpicə bənzədərdik. İnsanın ömür sarayı doğulduğu gündən qoyulan bu kərpiclərdən hasilə gəlmirmi?!
Kiminin bu sarayını əcəl yarımçıq qoyur, kimininkinin heç izi-tozu da qalmır, kimininki isə illərlə nəsillərə örnək olur.
Həmkarımız, həm də təkcə həmkarımız yox, dostumuz, əzizimiz, qəzetimizin Qarabağ və artıq Şərqi Zəngəzur üzrə bölgə müxbiri Lazım Quliyev ömrünün 70-ci yanvarına qədəm qoyub. Onun haqqında bu həmkar yazısına bir az uzaqdan - ömür sarayından başlamağımız isə boş yerdən deyil. Çünki Lazım Quliyev istər Gəncə Pedaqoji İnstitutunun Dil-ədəbiyyat fakültəsini qurtarandan sonra kənd məktəbində müəllim, istər Tərtər və Bərdədə çıxan qəzetlərdə müxbir və şöbə müdiri, istərsə də 2002-ci ildə “Azərbaycan” qəzetinə gələnəcən qısa müddət dövlət işində çalışarkən bacarığı, savadı, məsuliyyəti və səmimiyyəti ilə özünə kərpic-kərpic elə bir ömür sarayı ucaldıb ki, onunla yalnız fəxr etmək olar.
Ancaq bilirik ki, Lazım müəllim bununla razılaşmayacaq. Təkcə ona görə yox ki, təxminən 50 il qələmi yerə qoymayan, bu müddət ərzində yazdığı məqalələrinin sayı-hesabı olmayan, Əməkdar jurnalist L.Quliyev təvazökar insandır. Həm də onun üçün ki, Lazım ömür sarayını hələ tamamlamadığını deyir. Səbəbini özü açıqlamasa da, biz bilirik.
Lazım Quliyev Bərdədə doğulub boya-başa çatsa da, əslən Laçındandır. Bu üzdən o, 30 ilə yaxın idi ki, ürəyində yurd nisgili daşıyırdı, böyük Vətənində özünü kiçik vətənsiz hesab edirdi.
İndi, şükür Tanrının böyüklüyünə, təkcə Lazım yox, onun kimi yüz minlərlə soydaşımız yurduna, ocağına qovuşub. Belə bir vaxtda Lazım Quliyev dinc dayana bilərmi?!
İndi onun ən böyük arzusu işğaldan azad edilmiş ərazilərdə aparılan quruculuq işlərindən reportajlar, məqalələr hazırlamaqdır. Deyir ki, gediş-gəliş sərbəstləşən kimi qələmini və yatağını götürüb köçəcək ata yurduna: “Bu 30 ildə ürəyimdə yazmadığım fikirlər, demədiyim sözlər qubar edib. Onları kağıza köçürməsəm, doğma “Azərbaycan” qəzetinin səhifələrində görməsəm, peşəmə xəyanət etmiş olaram. Ona görə də ömür sarayına qoyulası hələ çox kərpicim var. Bunun üçünsə Allahdan möhlət istəyirəm”.
Biz isə öz növbəmizdə qələm yoldaşımıza həm də iki gül nəvəsinin toyunu görməsini arzulayırıq.
Allah bütün arzularına qovuşdursun, 70 yaşlı həmkarımız!
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İran davranışlarında səmimi deyil
20 Aprel
ABŞ-nin təkzibi gerçəyi dəyişmir
20 Aprel
İlham Əliyevin növbəti Zəfəri
20 Aprel
Azərbaycan Respublikasının Cinayət-Prosessual Məcəlləsində dəyişiklik edilməsi haqqında
20 Aprel
"Azərbaycan Respublikasının Cinayət-Prosessual Məcəlləsində dəyişiklik edilməsi haqqında" Azərbaycan...
20 Aprel
"Azərbaycan Respublikasının İnsan hüquqları üzrə müvəkkili (ombudsman) haqqında" Azərbaycan Respubli...
20 Aprel
Azərbaycan Respublikası Prezidentinin 2019-cu il 29 dekabr tarixli 907 nömrəli Fərmanı ilə təsdiq ed...
20 Aprel
Azərbaycan Respublikası Prezidentinin 2010-cu il 15 iyul tarixli 305 nömrəli Fərmanı ilə təsdiq edil...
20 Aprel
"Səba" ASC-nin səhmdarlarının nəzərinə!
20 Aprel
ADA Universitetində keçirilən “Xəzər Hövzəsi Araşdırmaları” proqramı yekunlaşıb
20 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!