06 Yanvar 2022 12:54
1375
Səhiyyə
A- A+

Həkim-mütəxəssis: “Omikron” ştamı ilə yoluxan xəstənin aşağı tənəffüs yolları nadir hallarda zədələnir

 

Yeni növ koronavirus (COVID-19) infeksiyasının qarşısının alınması üçün qlobal səviyyədə səylər göstərilməsinə baxmayaraq, virus mutasiyaya məruz qalır və yeni ştamlar yaranır. İlk qeydə alındığı gündən indiyə qədər koronavirusun çox ştamı aşkarlanıb. Sonuncu qeydə alınan ştam isə daha sürətlə yayılan “omikron”dur. “Omikron” ştamının digərlərindən fərqi onun 30-dan çox mutasiyaya məruz qalmasıdır. Tədqiqatçıların fikrincə, immuniteti zəif olanlar digər ştamlar kimi “omikron”a da daha tez yoluxurlar. Ümumiyyətlə COVID-19 virusuna qarşı mübarizənin əsasında peyvəndləmə dayanır. Təəssüf ki, xəstəliyin müalicəsi üçün konkret kimyəvi dərman preparatı yoxdur. Ona görə də ilk və tək qorunma tədbiri vaksinasiyadır.

Bu fikirləri AZƏRTAC-a açıqlamasında Qobustan Rayon Mərkəzi Xəstəxanasının həkim-pulmonoloqu Afət Novruzova deyib.

Həkim-mütəxəssis bildirib ki, COVID-19 xəstəliyinin baş qaldırması üçün virusun orqanizmə düşməsi lazımdır, çünki koronavirusun orqanizmdən kənarda çoxalma qabiliyyəti yoxdur: “O, yalnız insan bədənində çoxalır. Virus orqanizmə daxil olandan sonra hüceyrələrin tərkibindən istifadə edərək öz hüceyrəsini qurur. Belə olan halda, immun sistemi bədəndə yad cisim olduğunu hiss edir və reaksiya verməyə başlayır. Bədənin reaksiyası bir neçə simptomla özünü büruzə verir”.

A.Novruzova, həmçinin qeyd edib ki, “omikron” ştamının sürətli yoluxduruculuq qabiliyyətinə malik olmasına baxmayaraq, xəstəlik ağciyər toxumasına daha az zərər verir: “Ona görə də “omikron” ştamına yoluxan xəstənin aşağı tənəffüs yolları nadir hallarda zədələnir. Yəni, belə xəstələrin pnevmoniya ilə xəstələnmə ehtimalı çox azdır. Simptomlar yoluxmadan, adətən, bir gün sonra özünü göstərir. Əzələ ağrıları, yorğunluq, iştahasızlıq, öskürək, burun axıntısı, boğazın qıcıqlanması, ürək çırpıntıları, xüsusən də gecə tərləmələri həmin ştamın əlamətləri arasındadır. Bəzi xəstələrdə “omikron” ştamı simptomsuz keçir, lakin bu, xəstəliyin tamamilə yox olacağı demək deyil. Nəzərə alaq ki, COVID-19 yayılmağa başladığı ilk günlərdə xəstəliyin gedişatı yüngül olurdu, bəziləri onu tamamilə simptomsuz başa vururdu. İstənilən halda, əlamətlərin zəif olmasına baxmayaraq, virus aşkarlanırdı. Daha sonralar isə virusun öldürücü olduğunun hər birimiz şahidi olduq. Eyni xüsusiyyətlər “omikron” ştamına da aiddir. Deməli, “omikron”un da növbəti günlərdə daha öldürücü olma ehtimalı istisna edilmir. Ona görə də qabaqlayıcı tədbirlərə etinasız yanaşmaq olmaz. Lazımi yerlərdə tibbi maska taxmaq, sanitar-gigiyenik qaydalara əməl etmək, əlləri tez-tez yumaq vacibdir. Əhalinin sıx toplaşdığı yerlərə vacib olmadıqda gedilməməlidir. Bundan başqa, əsas profilaktik tədbir olan vaksinasiyada da aktiv iştirak etmək lazımdır”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video