27 Yanvar 2022 00:22
377
İQTİSADİYYAT

Goranboyda kəhrizlər bərpa edilir

 

Ölkədə su çatışmazlığından əziyyət çəkən rayonlardan biri də Goranboydur. Demək olar ki, rayon camaatı hər il istər əkin sahələrinin suvarılmasında, istərsə də içməli suya olan tələbatının ödənilməsində problemlərlə üzləşirlər.

Problemin aradan qaldırılması məqsədilə hər il rayonun kənd və qəsəbələrində yeni subartezian quyuları qazılaraq istifadəyə verilir ki, bu da suya olan tələbatı qismən ödəyir. Lakin rayonda yeni su mənbələrinin əldə olunması istiqamətində də tədbirlər görülür.

Elə bu yaxınlarda rayon ərazisində olan və istismara yararsız vəziyyətə düşmüş kəhrizlərin üzə çıxarılması və bərpası üçün işlərə başlanılmışdır. Bərpa işləri Beynəlxalq Miqrasiya Təşkilatının Azərbaycandakı nümayəndəliyi tərəfindən Cənubi Koreya Beynəlxalq Əməkdaşlıq Agentliyinin (KOICA) maliyyə dəstəyi ilə reallaşan layihə çərçivəsində həyata keçirilir.

Beynəlxalq Miqrasiya Təşkilatı ilk dəfə olaraq kəhriz su sistemlərinin bərpasında yeni texnologiya tətbiq edir. Belə ki, kəhriz tunelləri və quyular avadanlıqlar vasitəsilə qazılır. Qazma işləri yekunlaşdıqdan sonra kəhriz quyularında bərkitmə işləri aparılır, dəmir-beton həlqələr quraşdırılır. Tunellərə isə polietilen borular qoyulur. Bununla da kəhrizlərin dayanıqlığı artırılır.

Bir kəhrizin bərpası yeni texnoloji metodologiya ilə 2 ay vaxt aparır. Halbuki ənənəvi üsulla  kəhrizin ölçüsündən asılı olaraq xeyli vaxt lazım gəlirdi. Odur ki,  yeni texnologiyanın tətbiqinin kəhriz su sisteminin iqtisadi səmərəliliyini artıracağı şübhəsizdir.

Hazırda rayonun Səfibəyli kəndi ərazisində 7 quyunu əhatə etməklə 171 metr məsafədə kəhrizin bərpası işləri aparılır. Səfibəylidən sonra Hacallı, Tatarlı və Səfikürd kəndlərində kəhrizlərin bərpası işlərinin aparılması nəzərdə tutulur.

                              

Sabir ƏLİYEV,

“Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video