29 Sentyabr 2022 15:11
496
DÜNYA
A- A+

Fransada Milli Assambleya buraxıla bilər  

 

Fransa Prezidenti Emmanuel Makron pensiya islahatlarının qəbul olunmayacağı təqdirdə, Milli Assambleyanı buraxmağı istisna etmir.

AZƏRTAC xəbər verir ki, Prezident Emmanuel Makron birinci mandatı dövründə irəli sürdüyü pensiya islahatlarını yenidən gündəmə gətirib. Fikir ayrılığı və narazılıqlar doğurmuş islahatlar Milli Assambleyada da müsbət qarşılanmır.

Yerli mətbuatda bildirilir ki, Emmanuel Makron Milli Assambleyada pensiya islahatları ilə bağlı debatların nəticəsiz qalacağı və hökumət əleyhinə səs veriləcəyi təqdirdə, Milli Assambleyanı buraxacağını və yenidən parlament seçkilərinin keçiriləcəyini istisna etmir.

Xatırladaq ki, Emmanuel Makronun birinci mandatı dövründə irəli sürdüyü pensiya islahatları “sarı jiletlilər”in aylarla davam edən etirazlarına səbəb olmuşdu. COVID-19 pandemiyası və növbəti prezident seçkiləri yaxınlaşması səbəbindən pensiya islahatları gündəlikdən çıxarılmışdı. Fransa Prezidenti yenidən pensiya islahatlarının həyata keçirilməsində israrlı olduğunu bildirib. Pensiya islahatlarına görə, 2031-ci ildən fransızlar 65 yaşında pensiyaya çıxmalı olacaqlar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video