30 Sentyabr 2022 21:17
347
Səfərlər
A- A+

Əmək və Əhalinin Sosial Müdafiəsi nazirliklərinin birgə kollegiya iclası keçirilib

 

Naxçıvan Muxtar Respublikası Əmək və Əhalinin Sosial Müdafiəsi Nazirliyində Azərbaycan Respublikası əmək və əhalinin sosial müdafiəsi naziri Sahil Babayev və onun rəhbərlik etdiyi nümayəndə heyətinin iştirakı ilə birgə kollegiya iclası keçirilib. İclasda cari ilin ötən dövründə görülən işlər və qarşıda duran vəzifələr müzakirə olunub.

AZƏRTAC-ın Naxçıvan bürosu xəbər verir ki, iclasdan əvvəl ulu öndər Heydər Əliyevin Naxçıvan şəhərinin baş meydanında əzəmətlə ucalan abidəsi, daha sonra Heydər Əliyev Muzeyi ziyarət edilib.

İclası giriş sözü ilə açan Azərbaycan Respublikasının əmək və əhalinin sosial müdafiəsi naziri Sahil Babayev ölkəmizdə əhalinin sosial müdafiəsinin təmin edilməsi istiqamətində görülən işlərdən və qarşıya qoyulan hədəflərdən danışıb. Sahil Babayev bildirib ki, son illərdə nazirliyin müxtəlif fəaliyyət istiqamətləri üzrə göstərilən xidmətlər təkmilləşdirilib, bir sıra yeniliklər tətbiq edilib. Nazir muxtar respublikada əhalinin sosial müdafiəsi sahəsində görülən işləri yüksək qiymətləndirib, bu sahədə qarşılıqlı əməkdaşlığın əhəmiyyətini vurğulayıb.

Naxçıvan Muxtar Respublikası əmək və əhalinin sosial müdafiəsi naziri Nicat Babayev isə məruzəsində qeyd edib ki, Azərbaycan xalqının ümummilli lideri Heydər Əliyev tərəfindən əsası qoyulan və əhalinin rifahına yönələn sosial siyasət modeli bu gün Naxçıvanda uğurla davam etdirilir. Muxtar respublikada əmək resurslarından səmərəli istifadə olunur, əhalinin məşğulluğunun təmin olunması və sosial müdafiəsinin gücləndirilməsi istiqamətində məqsədyönlü tədbirlər icra edilir.

Diqqətə çatdırılıb ki, muxtar respublikada Vətən müharibəsi iştirakçıları və şəhid ailələrinin müraciətlərinə xüsusi həssaslıqla yanaşılır. Azərbaycan Respublikası Prezidentinin müvafiq Sərəncamı əsasında şəhid ailələri və müharibə zamanı sağlamlıq imkanlarını qismən itirmiş şəxslər mənzil və avtomobillərlə təmin olunur, müharibədən zərərçəkmiş şəxslərin məşğulluq məsələlərinin həlli diqqətdə saxlanılır, bu kateqoriyadan olan şəxslərin iştirakı ilə bir sıra sosial layihələr icra edilir.

Naxçıvan Muxtar Respublikası Ali Məclisi Sədrinin Fərmanı əsasında yaradılmış “Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu” tərəfindən müvafiq kateqoriyadan olan ailələrin mənzil-məişət şəraiti yaxşılaşdırılır, həmçinin muxtar respublikadan kənarda müalicə alanların xərcləri qarşılanır, kredit borcları və təhsil haqları ödənilir. Müharibə iştirakçıları zəruri hallarda reabilitasiya vasitələri ilə təmin edilir, onlara psixoloji xidmətlər göstərilir.

Sonra Azərbaycan Respublikası Dövlət Sosial Müdafiə Fondunun İdarə Heyətinin sədri Himalay Məmişov və Naxçıvan Muxtar Respublikası “Dövlət Sosial Müdafiə Fondu” Publik Hüquqi Şəxsin sədri Rasim Bağırov çıxış edərək ilin ötən dövrü ərzində görülmüş işlər haqqında iclas iştirakçılarına məlumat veriblər.

Kollegiya iclası nazirliklərin strukturuna daxil olan müxtəlif qurumların rəhbərlərinin hesabat dövrü ərzində görülmüş işlərə dair çıxışları ilə davam etdirilib, müvafiq dövrə aid statistik göstəricilərin əks olunduğu slaydlar nümayiş etdirilib.

Azərbaycan Respublikasının Əmək və Əhalinin Sosial Müdafiəsi Nazirliyinin digər vəzifəli şəxsləri kollegiya iclasına onlayn qaydada qoşulub, müzakirələrdə iştirak ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video