17 May 2022 17:51
183
SİYASƏT

Əli Nikzad: Üzv ölkələr arasında sıx əməkdaşlığı təmin etməklə inkişafa nail olmaq mümkündür

İqtisadi Əməkdaşlıq Təşkilatına üzv olan ölkələrin təbii ehtiyatları çox zəngindir. Ticarət, iqtisadiyyat və digər sahələrdə inkişafa kollektiv təşkilat qurmaqla və sıx əməkdaşlığı təmin etməklə nail olmaq mümkündür.

AZƏRTAC xəbər verir ki, bu fikirləri İran İslam Şurası Məclisinin sədr müavini Əli Nikzad mayın 17-də İqtisadi Əməkdaşlıq Təşkilatı Parlament Assambleyasının (İƏT PA) Bakıda keçirilən Üçüncü Ümumi Konfransında deyib.

2021-ci ilin noyabrında keçirilən Zirvə toplantısında mühüm məsələlərin müzakirə olunduğunu qeyd edən Ə.Nikzad İƏT-ə üzv ölkələr arasında regional ticarətin, parlamentlərarası, turizm əlaqələrinin inkişafının mühüm əhəmiyyət kəsb etdiyini vurğulayıb.

Davamlı məsləhətləşmələrə ehtiyac olduğunu bildirən iranlı parlamentari konfransın ümumi işə töhfə verəcəyinə əminliyini ifadə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video