30 Noyabr 2022 22:39
172
İDMAN
A- A+

D qrupundan Fransa və Avstraliya milliləri pley-offa yüksəliblər

 

Qətərdə keçiriləm futbol üzrə dünya çempionatının D qrupunda mübarizəyə yekun vurulub.

AZƏRTAC xəbər verir ki, “Əl Canub” stadionunda Avstraliya millisi Danimarka yığması ilə qarşılaşıb. Əlcəzairli hakim Mustafa Qorbalın idarə etdiyi oyunda Avstraliya millisi minimal hesablı qələbə qazanıb - 1:0. Matçın 60-cı dəqiqəsində Metyud Leki fərqlənib.

Qrupun digər oyununda Tunis yığması ötən tur pley-off mərhələsinə vəsiqəni təmin edən Fransa seçməsi ilə üz-üzə gəlib. “Edukeyşn Siti” stadionunda təşkil olunan matç 1:1 hesabı ilə başa çatıb. Tunislilərin heyətində 58-ci dəqiqədə Vəhbi Xəzri fərqlənib. Sonuncu dünya çempionlarının qolunu isə 98-ci dəqiqədə Antuan Qrizman vurub.

Beləliklə, D qrupunda hesabında 7 xal Fransa və 6 xal toplayan Avstraliya yığmaları növbəti mərhələyə yüksəliblər. Tunis millisi 3 xalla qrupda üçüncü, Danimarka 1 xalla sonuncu olub.

Bu gün mundialın C qrupu çərçivəsində Polşa - Argentina və Səudiyyə Ərəbistanı - Meksika oyunları keçiriləcək. “Stadium 974”də oynanılacaq Polşa - Argentina matçını niderlandlı referi Danni Desmond Makkeli idarə edəcək. “Lusail” stadionunda keçiriləcək digər matçın baş hakimi ingiltərəli Maykl Oliver olacaq. Hər iki oyun Bakı vaxtı ilə saat 23:00-da başlayacaq.

Portuqaliya, Braziliya, Niderland, Seneqal, İngiltərə və ABŞ yığmaları da səkkizdəbir finala vəsiqəni təmin ediblər.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video