13 Yanvar 2022 13:56
149
DÜNYA

Çin XİN rəhbəri: Çin Türkiyənin regional və beynəlxalq məsələlərdəki unikal rolunu tanıyıb

 

Çin Türkiyənin regional və beynəlxalq məsələlərdəki unikal rolunu tanıyıb və gerçək multilateralizmin birgə təminatı üçün Ankara ilə əlaqələrin tərəfdarıdır.

AZƏRTAC yerli mediaya istinadla xəbər verir ki, bunu Çinin xarici işlər naziri Van İ türkiyəli həmkarı Mövlud Çavuşoğlu ilə yanvarın 12-də Çinin Usi şəhərində keçirilən görüşdə deyib. Van İ Çin və Türkiyəni qarşılıqlı etimadı möhkəmləndirməyə və ikitərəfli əlaqələrin sağlam inkişafını birgə təşviq etmək üçün bir-birini dəstəkləməyə çağırıb.

Nazir ikitərəfli əlaqələrin inkişaf tempini yüksək qiymətləndirərək, iki ölkə arasında diplomatik münasibətlərin qurulmasının ötən il 50-ci ildönümünün qeyd olunduğunu xatırladıb. Vurğulayıb ki, strateji tərəfdaş olan Çin və Türkiyə qarşılıqlı etimadın və dəstəyin gücləndirilməsinə sadiq qalmalıdır.

Çin rəsmisi ümidvar olduğunu bildirib ki, hər iki ölkə bir-birinin milli suverenliyinin, təhlükəsizliyinin və inkişaf maraqlarının təminatına dəstək verəcək, bir-birinin daxili işlərinə qarışmama prinsipinə riayət edəcək, tərəflərdən birini hədəf alan heç bir beynəlxalq fəaliyyətə qoşulmayacaq, anlaşma fərqləri olan məsələlər üzrə kommunikasiyanı yaxşılaşdıracaq.

Van İ iki ölkə arasında iqtisadi məsələlərə toxunaraq, Çinin “Kəmər və yol” təşəbbüsü çərçivəsində əməkdaşlığa dair ilk sənədin məhz Türkiyə ilə imzalandığını vurğulayıb, tərəflər arasında ticarət üçün böyük potensial olduğunu qeyd edib. O, valyuta mübadiləsi razılaşmasından yararlanmağa, 5G texnologiyası və böyük data kimi sahələrdə əməkdaşlığı genişləndirməyə çağırıb, Çinin Türkiyədən idxalı artırmağa hazır olduğunu deyib.

Mövlud Çavuşoğlu ikitərəfli əlaqələrin inkişafı ilə bağlı həmkarının fikirlərinə şərik olduğunu bildirib. Türkiyəli nazir iqtisadi-ticari sahədə əməkdaşlığı, eləcə də iki tərəf arasındakı təmasları yüksək qiymətləndirib, ölkəsinin Çin ilə nüvə energetikası sahəsində əməkdaşlığı inkişaf etdirməyə hazır olduğunu deyib.

M.Çavuşoğlu idman tədbirlərinin siyasiləşdirilməsinə qarşı olduğunu vurğulayaraq, Çinin “Pekin-2022” Qış Olimpiya Oyunlarını uğurla keçirməsini arzulayıb.

Görüşdə tərəflər qarşılıqlı maraq doğuran məsələlərə dair fikir mübadiləsi aparıblar.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video