03 Avqust 2022 11:50
271
DÜNYA

Çin Tayvandan bəzi məhsulların idxalını dayandırıb

 

Çin hökuməti Tayvandan sitrus meyvələrin, o cümlədən qreyfrut, limon və portağalın, habelə bəzi balıq məhsullarının idxalını avqustun 3-dən dayandırmaq barədə qərar qəbul edib.

AZƏRTAC xəbər verir ki, bu barədə Çinin gömrük qurumu açıqlama yayıb.

Bildirilir ki, həmin malların idxalının dayandırılması barədə qərar Çinin müvafiq qanunlarına və ərzaq təhlükəsizliyinə dair qaydalarına uyğun qəbul edilib.

Çinin Kommersiya Nazirliyi isə Tayvana təbii qum ixracının dayandırılacağını açıqlayıb.

Qeyd edək ki, ABŞ nümayəndələr Palatasının spikeri Nensi Pelosinin Pekinin sərt etirazına və xəbərdarlığına məhəl qoymayaraq, avqustun 2-də Tayvan adasına səfərə gəlməsi Çində böyük narazılığa səbəb olub. ABŞ-ın Pekindəki səfiri Nikolas Börns avqustun 2-də gecə gec saatlarda Çin Xarici İşlər Nazirliyinə çağırılıb və ona Çinin məsələyə dair sərt etirazı bildirilib.

Səfirin diqqətinə çatdırılıb ki, Nensi Pelosi od ilə oynayır. Çin bu məsələyə cavabsız qalmayacaq. Çin xarici işlər nazirinin müavini Sie Fen ABŞ səfirinin diqqətinə çatdırıb ki, Tayvan boğazında gərginliyin yüksəlməsinə və Çin-ABŞ münasibətlərinə zərər vurulmasına görə məsuliyyət Vaşinqtonun üzərinə düşür: “ABŞ tərəfi səhvlərinə görə cavab verməlidir. Çin qətiyyətlə cavab tədbirləri görəcək və biz dediyimizi edəcəyik”.

Nensi Pelosinin özünü müstəqil dövlət kimi qələmə verən Tayvan adasına (“Çin Respublikası”) səfəri başlayandan sonra Çin Xarici İşlər Nazirliyi, Çinin qanunverici orqanı olan Xalq Nümayəndələri Yığıncağı, Çin Xalq Siyasi Məşvərət Şurası Nensi Pelosinin səfərini pisləyən bəyanatlar verib.

Çin Xalq Azadlıq Ordusu isə Tayvan adasının ətrafında genişmiqyaslı hərbi əməliyyatlara başladığını açıqlayıb. Əməliyyatlara adanın şimal, cənub-qərb və cənub-şərqində dənizdə və havada müxtəlif təlimlər, uzunməsafəli real atışlar, o cümlədən raket atışları sınaqları daxildir. Çin Xalq Azadlıq Ordusunun şərq zonası komandanlığının mətbuat katibi polkovnik Şi İ bildirib ki, hərbi əməliyyatlar Birləşmiş Ştatların Tayvan məsələsi ilə bağlı son neqativ hərəkətlərinin yaratdığı gərginliyə qarşı sərt çəkindirici amil, habelə “Tayvanın müstəqilliyi”nə yönəlmiş separatçılıq fəaliyyətinə qarşı ciddi xəbərdarlıqdır.

Çin Müdafiə Nazirliyinin rəsmisi U Çien ordunun döyüş hazırlığı vəziyyətində olduğunu və cavab tədbirləri olaraq məqsədyönlü hərbi əməliyyatlar həyata keçiriləcəyini bildirib.

O, Çin ordusunun ölkənin suverenliyini və ərazi bütövlüyünü qətiyyətlə müdafiə edəcəyini, xarici qüvvələrin müdaxiləsinin və “Tayvanın müstəqilliyi”nə can atan separatçıların məkrli niyyətlərinin qarşısını alacağını deyib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video