23 Iyun 2022 12:02
161
DÜNYA

Brüsseldə Aİ ölkələrinin dövlət və hökumət başçılarının sammiti başlayır 

 

Bu gün Brüsseldə Avropa İttifaqı ölkələrinin dövlət və hökumət başçılarının ikigünlük sammiti başlayır. Rusiyanın hərbi təcavüzü, Ukrayna və Moldovanın Aİ üzvlüyünə namizəd statusu sammitin əsas mövzusudur.

AZƏRTAC xəbər verir ki, Avropa İttifaqı Şurasının saytında yerləşdirilən məlumata görə, liderlər Rusiyanın Ukraynaya hücumu ilə bağlı son hadisələri, o cümlədən müharibənin qlobal ərzaq təhlükəsizliyi böhranına təsirini müzakirə edəcəklər. Görüşdə, həmçinin Avropa İttifaqının Ukraynaya iqtisadi, hərbi, siyasi və humanitar yardımdan ibarət davamlı dəstəyi müzakirə olunacaq.

Sammitdə eyni zamanda Ukrayna, Moldova və Gürcüstanın Avropa İttifaqına üzvlüyünə namizədliklərinin təqdim edilməsi məsələsinə baxılacaq.

Tədbirdən öncə Avropa İttifaqı liderləri Qərbi Balkan ölkələrinin siyasi liderləri ilə qeyri-rəsmi görüş keçirəcək. Görüşdə regionun Avropaya inteqrasiyası perspektivləri ətrafında fikir mübadiləsi aparılacaq.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video