BMT humanitar fəlakətlə üzləşən 10 ölkəyə 100 milyon dollar vəsait ayırıb
Birləşmiş Millətlər Təşkilatı (BMT) avqustun 31-də Afrika, Amerika, Asiya və Yaxın Şərqdə humanitar fəlakətlə üzləşən 10 ölkəyə Mərkəzi Fövqəladə Hallara Cavab Fondundan (CERF) 100 milyon ABŞ dolları ayırıb. Bu barədə təşkilatın Humanitar Məsələlərin Əlaqələndirilməsi Ofisi (OCHA) məlumat yayıb.
AZƏRTAC təşkilatın saytına istinadla xəbər verir ki, BMT Baş katibinin humanitar məsələlər üzrə müavini və fövqəladə hallar üzrə koordinator vəzifəsini icra edən Coys Msuya bununla bağlı bildirib: “Kritik həddə çatan humanitar fövqəladə hallarda maliyyə çatışmazlığı yardım agentliklərinin həyati xilasetmə yardımına ehtiyacı olan insanlara yardım göndərməsinə mane olur və bu, ürəkağrıdıcı vəziyyətdir. CERF-in maliyyə vəsaiti digər humanitar yardımlar qeyri-adekvat olduqda ən pis hadisələrin qarşısını almaq və insanların həyatını xilas etmək üçün son çarə kimi təcili nağd pul inyeksiyasıdır. Bizim təcili olaraq bu maliyyə yardımından məhrum olan böhranlara davamlı donor diqqətinə ehtiyacımız var”.
OCHA tərəfindən idarə olunan CERF-dən ayrılan bu yeni maliyyə yardımının üçdəbirindən çoxu insanların aclıq, xəstəliklərlə mübarizəsinə sərf ediləcək. Həmçinin Yəməndə (20 milyon dollar) və Efiopiyada (15 milyon dollar) iqlim fəlakətləri ilə bağlı yardım əməliyyatları dəstəklənəcək.
Yeni maliyyə paketi, həmçinin iqlim sarsıntıları və streslər səbəbindən daha da ağırlaşan, illərlə davam edən münaqişə və məcburi köçlə əhatə olunmuş ölkələrdə humanitar əməliyyatları dəstəkləyəcək. Bunlara Myanma (12 milyon dollar), Mali (11 milyon dollar), Burkina Faso (10 milyon dollar), Haiti (9 milyon dollar), Kamerun (7 milyon dollar) və Mozambik (7 milyon dollar) daxildir. Burundi (5 milyon dollar) və Malavi (4 milyon dollar) kimi El Ninonun yaratdığı quraqlıq və daşqınlardan əziyyət çəkən ölkələrə də vəsait ayrılıb.
Bu, cari ilin fevral ayında yeddi ölkə üçün 100 milyon dollar vəsaitin buraxılmasından sonra CERF-in kifayət qədər maliyyələşdirilməmiş fövqəladə hallar üçün ayırdığı ikinci vəsaitdir. Bununla belə, bu il zəif maliyyələşdirilən humanitar böhranlar üçün ayrılan ümumi 200 milyon dollar son üç ildə ən aşağı məbləğdir ki, bu da humanitar ehtiyaclar və CERF-in onları qarşılamaq üçün aldığı donor maliyyəsi arasında artan uçurumu vurğulayır.
Bu il humanitar cəmiyyət dünya miqyasında böhranlar zamanı ən həssas olan 187 milyon insana kömək etmək üçün təxminən 49 milyard dollar vəsait axtarır. Bu günədək bu maliyyənin cəmi 29 faizi təmin edilib və arada 35 milyard dollarlıq boşluq yaranıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Yəməndə yanacaqdoldurma məntəqəsində partlayış olub
31 Avqust
Premyer Liqa: "Neftçi" Şamaxıda xal itirib
31 Avqust
Dmitri Kobitski: Azərbaycanda seçki prosesləri bütün qəbul edilmiş beynəlxalq normalara uyğundur...
31 Avqust
Nazir: Azərbaycan-Qırğızıstan əlaqələri strateji tərəfdaşlıq səviyyəsindədir
31 Avqust
Növbədənkənar parlament seçkiləri ilə əlaqədar mətbuat konfransı keçirilib
31 Avqust
Qırğızıstan səfiri: Biz Azərbaycanla əməkdaşlığı yüksək qiymətləndiririk
31 Avqust
Belarus-Rusiya İttifaqının Parlament Məclisinin müşahidə missiyası Mərkəzi Seçki Komissiyasında olub...
31 Avqust
XİN: Paşinyanın Azərbaycan-Ermənistan normallaşma prosesi ilə ziddiyyət təşkil edən açıqlamaları təə...
31 Avqust
Qarabağda və Şərqi Zəngəzurda yerləşən seçki məntəqələri səsverməyə hazırdır
31 Avqust
Aleksandr Terentyev: Növbədənkənar parlament seçkiləri Azərbaycan üçün çox vacib prosesdir...
31 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
Strateji tərəfdaşlıq güclənir, qlobal nüfuz artır 28 Avqust 2024
Mehriban Əliyeva - Azərbaycan humanizminin simvolu26 Avqust 2024
"Gəl sənə Laçınımı göstərim..."25 Avqust 2024
"Mehriban xanım ürəyimizdə elə bir saray qurub ki..."24 Avqust 2024
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!