Bəşəriyyət aclıq astanasındadır
Zəngin ölkələr inflyasiya, kasıb ölkələr isə iğtişaş təhlükəsi ilə üzləşə bilərlər
Almaniyanın "Welthungerhilfe" Humanitar Təşkilatının apardığı araşdırmaların nəticəsinə əsasən, dünyada aclıq təhlükəsi getdikcə artacaq.
Bunun səbəblərindən biri hazırda davam edən Rusiya-Ukrayna münaqişəsidir. Qeyd edilir ki, münaqişədən əvvəl Ukrayna dünyanın əsas taxıl istehsalçılarından biri idi. Bir çox ölkələr, xüsusilə də Şimali Afrika dövlətləri məhz Ukraynadan gələn ucuz buğdadan asılıdırlar.
Humanitar təşkilat "Böyük yeddilik" ölkələrinin kənd təsərrüfatı nazirlərinin görüşü ərəfəsində Ukraynadakı münaqişə ilə əlaqədar dünyada ac insanların sayının daha da kəskin artacağı təhlükəsi barədə xəbərdarlıq edib.
Təşkilatın siyasi məsələlər üzrə müavini Rafael Şnayder bildirib ki, bunun qarşısını almaq üçün nazirlər təcili tədbirlərin həyata keçirilməsi prosesinə mümkün qədər tez başlamalıdırlar. Onun dediyinə görə, bu tədbirlər görülməzsə, o zaman ərzaq qiymətlərinin bahalaşması acların sayının daha da artmasına səbəb olacaq. Hazırda dünyada təxminən 800 milyon insan aclıqdan əziyyət çəkir və bu hal təkcə Ukraynadakı vəziyyətdən deyil, həm də sistemli səhvlərdən qaynaqlanır.
Agentlik Ukraynadan idxal çatışmazlığını aradan qaldırmaq üçün Kənd Təsərrüfatı Nazirliyinin buğda yetişdirməyi asanlaşdırmaq planını sərt tənqid edib. Şnayder alman nazirinin taxıl yetişdirilməsi üçün Avropa İttifaqının ekoloji əhəmiyyətli ərazilərindən istifadə etmək niyyətini "səhv" adlandırıb. O, əvəzində dünyanın cənub bölgələrində kənd təsərrüfatını inkişaf etdirməyə, kənd təsərrüfatı məhsullarının regional ticarətini genişləndirməyə, idxal kvotalarını artırmağa və kiçik fermerlərə dəstək verməyə çağırıb.
Dünyada buğda ixracının üçdəbiri təhlükə altındadır. Zəngin ölkələr inflyasiya, kasıb ölkələr aclıq və iğtişaş təhlükəsi ilə üzləşə bilər.
Xatırladaq ki, 2011-ci ildə taxılın qiymətinin kəskin bahalaşması fonunda Şimali Afrikada və Yaxın Şərqdə "ərəb baharı" adlı üsyan və inqilablar dalğası başlamışdı. Sonradan bu dalğa Suriyaya çatdı və hələ də əmin-amanlığın bərqərar olmadığı bu ölkədə vətəndaş müharibəsinə səbəb oldu.
Almaniyanın əmtəə bazarları üzrə eksperti Karsten Friç isə bildirir ki, problem daha genişdir və bütün dünya ərzaq bazarına aiddir, çünki indiyədək qlobal buğda ixracının təxminən 30 faizi Rusiya və Ukraynanın payına düşüb.
Rizvan CƏFƏROV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Hərbi Dəniz Qüvvələri və FHN-in “Dalğa-2024” birgə taktiki təlimi keçirilir
24 Aprel
ABŞ nümayəndələri “ASAN xidmət”də olub
24 Aprel
Misir Azərbaycan və Ermənistan arasında əldə olunmuş razılaşmanı alqışlayıb
24 Aprel
Yubileydə böyük tarixi şəxsiyyət də xatırlandı
24 Aprel
“COP29 və Azərbaycan üçün Yaşıl Baxış” forumu çərçivəsində gənclərlə görüş keçirilib...
24 Aprel
Azərbaycan və Qırğızıstan Dövlətlərarası Şurasının 2-ci iclası başlayıb YENİLƏNƏCƏK...
24 Aprel
Azərbaycan və Qırğızıstan prezidentlərinin məhdud tərkibdə görüşü olub YENİLƏNİB
24 Aprel
Mirhəsən Həsənov: Metsamor Atom Elektrik Stansiyası region dövlətləri üçün böyük təhlükə mənbəyidir...
24 Aprel
Moskva məhkəməsi Rusiya müdafiə nazirinin müavinini həbs edib
24 Aprel
Aprelin 25-də hava əsasən yağmursuz keçəcək
24 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!