Bakıda Türkiyənin Zəfər bayramı və Silahlı Qüvvələr Günü qeyd edilib
Bu gün Türkiyənin Azərbaycandakı səfirliyində qardaş ölkənin Zəfər bayramı münasibətilə rəsmi qəbul təşkil edilib.
AZƏRTAC xəbər ki, tədbirdə əvvəlcə Azərbaycanın və Türkiyənin Dövlət himnləri səsləndirilib.
Rəsmi qəbulda dövlət və hökumət nümayəndələri, altıncı çağırış Milli Məclisin deputatları, xarici ölkələrin Azərbaycandakı səfirləri, hərbi attaşelər, beynəlxalq təşkilatların təmsilçiləri, ictimaiyyət nümayəndələri iştirak ediblər.
İstiqlal Marşı səsləndikdən sonra Türkiyənin ölkəmizdəki səfiri Cahid Bağçı Prezident Rəcəb Tayyib Ərdoğanın 30 Avqust - Zəfər Bayramı münasibətilə təbrik məktubunu oxuyub.
Səfir türk xalqının və Türkiyə Silahlı Qüvvələrinin Mustafa Kamal Atatürkün rəhbərliyi ilə 1922-ci il avqustun 30-da tarixi Zəfər qazandığını qeyd edərək ölkəsinin 102 il bundan əvvəl başlatdığı mübarizənin Zəfərlə başa çatdığını vurğulayıb.
Türkiyənin son illər inkişaf edərək dünyada böyük güc mərkəzinə və söz sahibinə çevrildiyini vurğulayan diplomat ölkəsinin mühüm beynəlxalq məsələlərin həllində fəal iştirak etdiyindən danışıb. Cahit Bağçı Türkiyənin getdikcə gücləndiyini, müdafiə sənayesi sahəsində inkişafının 80 faizə çatdığını və dünyada böyük söz sahibinə çevrildiyini diqqətə çatdırıb.
“Əsrlər boyu qlobal güc mübarizələrinə şahidlik edən bir coğrafiyanın mərkəzində yerləşən Türkiyə Cümhuriyyəti “Güclü Türkiyə, Güclü Ordu” şüarı ilə Türk Silahlı Qüvvələrini gücləndirmək üçün səy göstərib. Bu gün Türkiyə NATO-nun 2-ci ən böyük hərbi qüvvəsinə malik ölkəyə çevrilib”, - deyə diplomat qeyd edib.
Vurğulayıb ki, “Türk əsri”nin də “Türk dünyasının əsri” olacağı inancı ilə işlər davam etdirilir. Azərbaycan Prezidenti İlham Əliyevin “Ailəmiz türk dünyasıdır” ifadələri son dərəcə əhəmiyyətli, mənalıdır və bizim bu sahədə ortaq perspektivə malik olduğumuzu göstərir.
Səfir qeyd edib ki, dünyanın müxtəlif yerlərində müharibələrin, mühüm sınaqların yaşandığı bir dövrdə qardaş Azərbaycanla müttəfiqliyimiz, qardaşlığımız daha mühüm xarakter alıb.
Müdafiə naziri general-polkovnik Zakir Həsənov qardaş türk xalqını və Türkiyə Silahlı Qüvvələrinin bütün şəxsi heyətini Azərbaycan Prezidenti adından Zəfər bayramı münasibətilə təbrik edərək, bu möhtəşəm qələbənin Türkiyənin şanlı tarixinin ən parlaq səhifələrindən biri olduğunu bildirib.
Azərbaycanla Türkiyə arasında münasibətlərin ən yüksək səviyyədə olduğunu vurğulayan general-polkovnik əlaqələrin bu səviyyəyə çatmasında hər iki dövlət rəhbərinin rolunu qeyd edib.
“1922-ci il avqustun 30-da böyük sərkərdə, görkəmli dövlət xadimi Mustafa Kamal Atatürkün komandanlığı altında Türkiyə Ordusu Qurtuluş Savaşının taleyini və Türkiyənin gələcək müqəddəratını həll edəcək Zəfər qazandı. Bu Zəfər Türkiyənin zəngin tarixinin ən şərəfli səhifələrindən biridir”, - deyə o qeyd edib.
Ölkələrimiz arasındakı əlaqələrin, hərbi sahədə əməkdaşlığımızın inkişafı üçün yeni imkanlardan danışan Z.Həsənov Azərbaycan-Türkiyə münasibətlərinin Şuşa Bəyannaməsi ilə daha da yüksək-müttəfiqlik səviyyəsinə çatdığını vurğulayıb: “Bu gün Azərbaycan ilə Türkiyə arasında münasibətlər ən yüksək səviyyədədir. Azərbaycan-Türkiyə münasibətləri Ümummilli Liderimiz Heydər Əliyevin “Bir millət, iki dövlət” və Mustafa Kamal Atatürkün “Azərbaycanın sevinci bizim sevincimiz, kədəri bizim kədərimizdir” fəlsəfəsi ilə bütün istiqamətlərdə, o cümlədən müdafiə sahəsində də uğurla inkişaf edir.
Əzəli torpağımız Qarabağ uğrunda başlanan Vətən müharibəsinin ilk günündən Azərbaycan xalqı Türkiyənin haqq işimizə dəstəyini hiss etdi. Həmin dövrdə Türkiyənin Azərbaycana verdiyi siyasi və mənəvi dəstək iki ölkə arasındakı birlik və həmrəyliyin bariz nümunəsidir. Ölkələrimiz arasındakı tarixi, dini, siyasi və iqtisadi əlaqələr hərbi sahədə əməkdaşlığımızın inkişafı üçün yeni imkanlar yaradıb.
Hazırda Azərbaycan-Türkiyə əlaqələri Şuşa Bəyannaməsinə əsasən müttəfiqlik münasibətlərinə söykənir və bunun tərkib hissəsi kimi ordu quruculuğu sahəsində ardıcıl tədbirlər həyata keçirilir”.
Nazir vurğulayıb ki, iki ölkənin orduları arasında qarşılıqlı etibar və qardaşlığa əsaslanan əməkdaşlıq birliyimizi möhkəmləndirir, bölgədə sülhün, sabitliyin və təhlükəsizliyin qorunmasına və xalqlarımızın rifahının daha da yüksəlməsinə xidmət edir.
Azərbaycan Respublikasının Prezidentinin tapşırığına əsasən hazırda Azərbaycan Ordusunun Türkiyə Silahlı Qüvvələri modelinə uyğunlaşdırılması istiqamətində zəruri addımlar atılır.
Onun sözlərinə görə, həyata keçirilən uğurlu hərbi islahatlar tətbiq olunan yeni texnologiyalar, habelə silahlanmaya daxil edilmiş müxtəlif təyinatlı hərbi vasitələr Ordumuzun əməliyyat imkanlarını xeyli artırıb və döyüş qabiliyyətini yüksək səviyyəyə çatdırıb.
Bu il ərzində müxtəlif qoşun növlərinin cəlb olunması ilə “Qafqaz Qartalı”, “Efes”, “Kurtaran”, “Anadolu Ankası” və digər təlimlər keçirilib. Bundan sonra da birgə təlim və məşqlərin sayının artırılması planlaşdırılır.
Qardaş Türkiyə xalqını və Silahlı Qüvvələrinin şəxsi heyətini Zəfər Bayramı münasibətilə ürəkdən təbrik edən nazir deyib: “Dövlətçilik və azadlıq uğrunda canlarını fəda etmiş şəhidlərimizin əziz xatirəsini dərin ehtiramla anır, Azərbaycan və Türkiyəyə yeni qələbələr və uğurlar arzulayıram”.
Sonda Zəfər Bayramı münasibətilə film nümayiş olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ümidlər doğrulacaq
31 Avqust
ABŞ daha bir məsələdə Ermənistana dəstək verəcək
31 Avqust
Fransanın məkrli siyasəti yeni faciələrə yol aça bilər
31 Avqust
Azad və demokratik ənənənin təntənəsi
31 Avqust
Azərbaycan Respublikası Prezidentinin "Azərbaycan Respublikası Dövlət Gömrük Komitəsinin xarici dövl...
31 Avqust
Azercell abunəçilərinin nəzərinə!
31 Avqust
“Formula 1”ə görə bir neçə küçədə nəqliyyatın hərəkəti məhdudlaşacaq
30 Avqust
Premyer Liqa: “Araz Naxçıvan” səfərdə “Sumqayıt”a qalib gəlib
30 Avqust
ABŞ-da azərbaycanlılara qarşı sui-qəsd planlaşdıran erməniəsilli şəxs federal axtarışdadır...
30 Avqust
Paris-2024: Azərbaycan parataekvondoçusu finala yüksəlib
30 Avqust
DİQQƏT ÇƏKƏNLƏR
Azərbaycan-Özbəkistan münasibətləri yeni mərhələdə: Strateji müttəfiqlik iki ölkəni daha da gücləndi...30 Avqust 2024
![](/uploads/img/posts/2024/08/30/17244104092088730123 Копированиеjpg-1724969916.jpg)
Strateji tərəfdaşlıq güclənir, qlobal nüfuz artır 28 Avqust 2024
![](/uploads/img/posts/2024/08/28/manset Копированиеjpg-1724791281.jpg)
Mehriban Əliyeva - Azərbaycan humanizminin simvolu26 Avqust 2024
![](/uploads/img/posts/2024/08/26/17246441985346750166_1200x630jpg-1724646204.jpg)
"Gəl sənə Laçınımı göstərim..."25 Avqust 2024
![](/uploads/img/posts/2024/08/25/16930664043345830467jpg-1724536246.jpg)
"Mehriban xanım ürəyimizdə elə bir saray qurub ki..."24 Avqust 2024
![](/uploads/img/posts/2024/08/24/16930632301761151988jpg-1724463695.jpg)
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!