09 Mart 2023 22:02
417
PARLAMENT
A- A+

Azərbaycanla Kamboca arasında parlamentlərarası əlaqələr müzakirə olunub

 

Martın 9-da Milli Məclisin sədri Sahibə Qafarova Kamboca Krallığı Milli Assambleyasının sədr müavini Xuon Sudarinin başçılıq etdiyi nümayəndə heyəti ilə görüşüb.

Milli Məclisin Mətbuat və ictimaiyyətlə əlaqələr şöbəsindən AZƏRTAC-a bildiriblər ki, parlamentin sədri bu səfərin ölkələrimiz və parlamentlərimiz arasında əlaqələrin inkişafına töhfə verəcəyinə inamını ifadə edib. Milli Assambleyanın nümayəndə heyətinin X Qlobal Bakı Forumunda iştirakına toxunan Sahibə Qafarova bildirib ki, Nizami Gəncəvi Beynəlxalq Mərkəzi tərəfindən təşkil olunmuş bu tədbir dünyadakı aktual çağırışların müzakirə olunduğu mühüm beynəlxalq platformaya çevrilib.

Milli Məclisin sədri ikitərəfli münasibətlərin müxtəlif sahələr üzrə inkişafı üçün yaxşı imkanların olduğunu bildirib.

S.Qafarova parlamentlərimiz arasında əməkdaşlıqdan da danışıb, burada hər iki parlamentdə fəaliyyət göstərən dostluq qruplarının xüsusi rol oynadığını deyib. O, beynəlxalq parlament təşkilatlarında, xüsusilə Qoşulmama Hərəkatı və onun Parlament Şəbəkəsində, həmçinin ASEAN Parlament Assambleyasında əməkdaşlığın əhəmiyyətini vurğulayıb.

Milli Məclisin sədri ötən il Kambocaya rəsmi səfərini məmnunluqla xatırlayaraq, Azərbaycanın ASEAN Parlament Assambleyasına müşahidəçi üzv kimi qəbul olunmasına dəstəyə görə təşəkkür edib.

Sahibə Qafarova Prezident İlham Əliyevin Qoşulmama Hərəkatının sədri kimi Hərəkatın parlament ölçüsünün inkişaf etdirilməsi təşəbbüsünə uyğun olaraq, Şəbəkənin yaradılması, onun Bakıda keçirilən birinci konfransı, təşkilatın institusional inkişafı üçün görülən işlər haqqında da danışıb.

Qonaqlar, həmçinin Azərbaycanın uğurlu inkişafı, Vətən müharibəsində qazanılan Qələbədən sonra yaranmış yeni reallıq, Ermənistanın sülh danışıqlarında qeyri-konstruktiv mövqeyi barədə məlumatlandırılıb.

X Qlobal Bakı Forumuna dəvətə görə təşəkkürünü bildirən Xuon Sudari Kamboca ilə Azərbaycanın hökumətlərarası və parlamentlərarası əlaqələrindən danışıb, iki ölkənin parlamentləri arasında imzalanmış Anlaşma Memorandumunun əhəmiyyətini qeyd edib.

Söhbət zamanı Xuon Sudari Kamboca parlamentinin strukturu, ölkəsindəki sosial-iqtisadi vəziyyət, seçki sistemi barədə məlumat verib.

Görüşdə tərəfləri maraqlandıran digər mövzularda da fikir mübadiləsi aparılıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video