25 Yanvar 2022 16:44
301
İQTİSADİYYAT

Azərbaycanın Baş nazirinin müavini ilə İranın yol və şəhərsalma naziri görüşüb

 

Azərbaycanın Baş nazirinin müavini Şahin Mustafayev İran İslam Respublikasının yol və şəhərsalma naziri, Azərbaycan-İran Hökumətlərarası Birgə İqtisadi Əməkdaşlıq Komissiyasının həmsədri Rüstəm Qasiminin başçılıq etdiyi nümayəndə heyəti ilə görüşüb.

AZƏRTAC xəbər verir ki, görüşdə ölkələrimiz arasında yol-nəqliyyat, energetika, iqtisadi-ticarət, infrastruktur və digər sahələrdə əməkdaşlığın mövcud vəziyyəti və perspektivləri haqqında müzakirələr aparılıb.

Baş nazirin müavini Şahin Mustafayev iranlı qonağa Azərbaycan Respublikasının Ermənistan tərəfindən işğal olunmuş ərazilərinin azad edilməsi, həmin ərazilərdə törədilmiş erməni vəhşiliyi və hazırda burada aparılan quruculuq işləri haqqında ətraflı məlumat verib, azad olunmuş ərazilərin tezliklə və tam bərpa ediləcəyinə əminliyini ifadə edib.

İki ölkə arasında iqtisadiyyatın müxtəlif sahələrində sıx əməkdaşlığın olduğunu söyləyən Ş.Mustafayev vurğulayıb ki, bu əlaqələrin daha da genişləndirilməsi üçün böyük imkanlar var.

Azərbaycan-İran dostluq əlaqələrindən söz açan iranlı nazir Rüstəm Qasimi ölkəsinin müxtəlif sahələrdə əlaqələrin genişləndirilməsində maraqlı olduğunu söyləyib: "Çox şadam ki, dost Azərbaycandayam. Dünən azad olunmuş ərazilərə baş çəkdik. İran tərəfi işğaldan azad olunmuş ərazilərin yenidən qurulması və bərpası işlərində dəstək göstərməyə hazırdır. İki ölkə arasında əlaqələr çoxşaxəli və dərindir. Regionun tranzit imkanlarından istifadə hər iki tərəfə böyük imkanlar aça bilər. İnanıram ki, yaxın gələcəkdə əməkdaşlığımızdan xalqlarımız da məmnun qalacaqlar”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video