AŞPA sessiyasında “Şuşa İli”ndən danışılıb
Dövlətimizin başçısının Sərəncamı ilə 2022-ci il Azərbaycanda “Şuşa İli” elan edilib. Bu, sadəcə, təqvim hadisəsi, yaxud bir ölkəyə aid məsələ deyil. Bu mövzunun dərin ictimai-siyasi, iqtisadi və əlbəttə ki, mühüm tarixi-mənəvi mənası var.
AZƏRTAC xəbər verir ki, bu fikirləri Azərbaycanın Avropa Şurası Parlament Assambleyasındakı nümayəndə heyətinin üzvü Rafael Hüseynov qurumun qış sessiyası çərçivəsində keçirilən sərbəst debatlarda ifadə edib. O bildirib ki, azərbaycanlılar üçün xüsusi əhəmiyyət daşıyan Şuşanın təməli 270 il əvvəl böyük sərkərdə və dövlət xadimi Pənahəli xan tərəfindən qoyulub, bu şəhər həmişə Qarabağın rəmzi sayılıb. 2020-ci ildə 30 ilə yaxın müddətdə işğal altında qalmış ərazilərini 44 günlük müharibədə azad edən Azərbaycan xalqı hər il noyabrın 8-də daim iftixar və sevinclə qeyd edəcəyi Zəfər Günü qazandı. Noyabrın 8-i müharibənin bitdiyi gün deyil, Şuşanın azad olunduğu gündür. Qarabağın rəmzi olan Şuşanın azad edilməsi azərbaycanlılar üçün elə Qarabağın işğaldan qurtulması demək idi. Bu, nəticə etibarilə məhz belə də oldu. Bu hadisə Şuşanın, sadəcə, bir şəhər deyil, məhz bu rəmzi və açar şəhərin bütün Qarabağı təmsil etdiyini bir daha sübut edir. Şuşa və Qarabağ bu gün nəhəng bir tikinti meydançasını xatırladır. Burada gecə-gündüz fasiləsiz iş gedir. 30 il boyunca dağıdılmış ərazilərə qısa müddətdə yeni həyat vermək, 30 il buralara qayıtmaq həsrəti ilə yaşayan məcburi köçkünlərin dönüşü üçün münasib şərait yaratmaqdan ötrü işlərin məhz belə tempdə görülməsi qaçılmazdır.
“2021-ci ilin avqustunda mən işğaldan azad olunmuş həmin ərazilərdə idim. Belə qəddarlıqla darmadağın edilmiş, xarabazara çevrilmiş ərazilər ən dəhşətli nüvə müharibələrindən sonra yarana bilər. Halbuki, həmin ərazilərdə vaxtilə heç döyüşlər getməmişdi, əhali oradan zorla qovulub çıxarılmışdı. Sanki 30 il ərzində qəsbkarlar bu torpaqlarla təkbaşına döyüşürmüş. Bu ərazilərin işğal altında qaldığı illərdə orada hər il güclü yanğınlar baş verirdi. Baş verənlər təsadüf deyildi. Orada müxtəlif ölkələrdən olan terroristlərin təlim düşərgələrinin yerləşdirilməsindən əlavə, mütəmadi olaraq narkotik vasitə yetişdirilirdi. Hər cür beynəlxalq nəzarətdən kənarda görülən bu işlər onunla yekunlaşırdı ki, məhsul toplanandan sonra iz itirmək üçün əraziləri yandırırdılar. Ermənistanın sabiq cinayətkar rəhbərliyinin törətdiyi digər ağır müharibə cinayətlərinin yanında bunlar da xüsusi yer tuturdu”, - deyə R. Hüseynov bildirib.
Qeyd edilib ki, işğaldan azad olunmuş ərazilərdə indi tamam başqa mənzərə var. Həmin torpaqlar həm də beynəlxalq iqtisadi əlaqələr və əməkdaşlıq meydanına çevrilməkdədir. Bir çox beynəlxalq, eləcə də təşkilatımıza üzv dövlətlərdən olan şirkətlərin səyləri ilə mühüm quruculuq işləri aparılır, Qarabağ yenidən tikilib bərpa edilir. Gələcəkdə burada azad iqtisadi zonanın yaranması da nəzərdə tutulur ki, bu, daha genişmiqyaslı, qarşılıqlı faydaya əsaslanan davamlı əlaqələrin inkişafına həlledici təsir göstərəcək.
“Azərbaycan üçün “Şuşa İli” kimi başlayan 2022-ci il, həmçinin bu gün azad Qarabağda baş verənlər insanlıq tarixinin əbədi həqiqətlərini bir daha nümayiş etdirir və hamının ibrət götürməli olduğu dərsdir. Bu torpaqlar 30 ilə yaxın davam edən qarşıdurma, hərbi münaqişə və müharibədən yaranan xarabalıqlar, həmçinin insan itkisi, insanlar arasında ədavət məkanı idi. İşğalçıdan təmizlənəndən, sülhə qovuşandan sonra bu torpaqlar dirçəlir, illərlə boş qalmış ərazilər müxtəlif ölkələri quruculuq müstəvisində qovuşduran əməkdaşlıq və dostluq meydanına çevrilir.
Azərbaycanın “Şuşa İli” sülh və ya müharibə, əməkdaşlıq yaxud qarşıdurma dilemmasının həmişə məhz birincinin xeyrinə başa çatmasına ən parlaq cavablardan biri olacaq”, - deyə R. Hüseynov qeyd edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
Bakı şəhərətrafı dəmir yolu nəqliyyatı ilə sərnişindaşıma fəaliyyəti üzrə subsidiya verilməsi Qaydal...
28 Mart
Gürcüstanda ölüm halları artır - Statistika
28 Mart
Cənubi Afrika Respublikasının Prezidenti Matamela Siril Ramafozadan
28 Mart
Kənd Təsərrüfatı Nazirliyinin aparat rəhbəri Biləsuvarda vətəndaşları qəbul edib
28 Mart
Bayden Trampı 3 faiz fərqlə qabaqlayır - SORĞU
28 Mart
ABŞ Nümayəndələr Palatasının heyəti Türkiyəyə gələcək
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!